KINOBAḺIAN 38:17 - Alkitab Singog In Mongondow Masa In Tanaa

¹⁷ Ki Yohuda in noguman bui, “Ogoianku iko in bembé tobatú inta batáneapa.” Tubag i Tamar, “Motaaubí asaḷ oyúon in kantanganku modapot in ki Tuang mokidia mangoi in bembé tatua.”

KINOBAḺIAN 38:17 Iomraidhean Croise

KINOBAḺIAN 38:16

Bo ki Yohuda dinimiug kon inia kon bingkí in daḷan tatua, bo noḻibó, “Tongonu in igumonmu?” Diábí kinotaauannea kon bobay tatua in ki mototakaneabí tontaní. Ki Tamar in notubag, “Taaudon kon i Tuang.”

KINOBAḺIAN 38:18

“Onu in kokantangan tua?” ki Yohuda in noḻibó. Tubag i Tamar, “Ogoiaidon in akuoi stempel i Tuang takin togotnea bo tungkud doman inta kodia-dia i Tuang tanion.” Ki Yohuda nobogoi in barang mita tatua kon inia, bo mosia in nosiug noyotakin, bo ki Tamar sidiadon.

KINOBAḺIAN 38:20

Noḻin onggotmai nongkon tua ki Yohuda nopotabá kon i Hira, yobayatnea, sin mogatod kon bembé bo mogamá bui kon barang mita inta ain inogoinea saḷaku kokantangan, táe ki Hira diá noyodungkuḷ in bobay tatua.

AMSAL 20:16

Ki ine in moibog moguboḻi kon boḻi in intau ibanea, motaaubí gamáan in kaoyúonannea mobaḻí tontagú kon dandinea.

YEHEZKIEL 16:33

Sundaḷ tobatú in umuranbí uboḻian, táe noyotoḻikudon intua ikobí in mobogoi in tombuinag kon intau mita inta kinoibogmu, nodapotbí in dondouḷuganmu in mosia in doit sinbá mamangoi nongkon bayongan in tampat bo mosiug takinmu.

LUKAS 16:8

Dá pinuji i tuangnea in bendahara inta diá mojujur tatua popisí in mobayong in akaḷnea; sin intau mita inta modunia in mopando-pandoi monompira kon oaidan monia dika in intau mita inta nobiag kon nobayag.”

HAKIM MITA 15:1

Diá noonggot kon tua, naonda in sempo in posipúandon kon bungai in gandum, ki Simson minayá nokipodungkuḷ kon i buḷoinea. Sia in nodia kon bembé batánea tobatú sin ogoi kon i buḷoinea tatua. Ki Simson noguman kon i nunutonnea, “Akuoi in tumuotpa kon gopot moyodungkuḷ i buḷoiku.” Táe diá inogoi i nunutonnea in sia.