KINOBAḺIAN 38:14 - Alkitab Singog In Mongondow Masa In Tanaa

¹⁴ Dá sia in nomaḷui kon pakeangnea nobaḷu takin pakeang ibanea. Pogotnea inoḻingoiannea, bo minayá in sia iḻimitú kon ngara in kotá Enaim, inta noiukat kon daḷan mopobayá in Timna. Kinotaauan totok i Tamar kon ki Syela, ki adí i Yohuda inta muit tua ain noḷoben, táe sia in diápa doman pinotonibuḷoi takin tayowmobiag tatua.

KINOBAḺIAN 38:14 Iomraidhean Croise

KINOBAḺIAN 24:65

bo noḻibó kon bobantung i Abraham tatua, “Ki ine in ḷoḷaki inta kon gobá tatua inta mopoangoi kon i naton?” “Sia tuata in ki tuangku,” tubag in bobantung tatua. Bo ki Ribka in nogamá kon aḷuangnea bo pinogoḻingoi kon pogotnea.

KINOBAḺIAN 38:15

Naonda in ki Yohuda nokoontong kon i Tamar, kainia kamai bobay tatua in bobaybí sundaḷ, sin pogotnea inoḻingoiannea.

KINOBAḺIAN 38:19

Ki Tamar nobui kon baḷoinea bo nobuká kon oḻingoi in pogotnea, bodongka nomaké bui in ḷambungnea saḷaku mobobaḷu.

KINOBAḺIAN 38:26

Kinotaauan i Yohuda in barang mita tatua bo sia in noguman, “Bobay tatua diábí kotaḷá. Diádon inaidanku in onu inta patus aidanku kon inia; sabanarnea sia in mustibí popobuḷoiku kon i adíku ki Syela.” Bo ki Yohuda diá bidon dodai onda nosiug takin bobay tatua.

AMSAL 7:10

Bobay tatua in bobay inta diá motantú in mogutun kon baḷoinea. Topi-topí kon bingkí in daḷan in sia, onda intua kon rawang, andeka simindog mogoḷat kon poyotangaan in daḷan. Dodianea in mobarani bo diá oyáan. Inontongku in sia iḻumuai nogiḷambung naonda bo sundaḷ, bo nokipodungkuḷ kon tayowmobiag tatua takin tomayá inta moraat.

YEREMIA 3:2

Ḷangagka, kon tudu mita in buḷud! Tampat táonda inta diápa dodai in onda in inangoianmu sin sumundaḷ? Naonda bo intau in Arab kon padang gurun, natuata in iko ḻimitú kon bingkí in daḷan mogoḷat mako kon intau inta moibog mopogogitog kon totabian. Iko in moponajis in butá tanaa pongin tuaḻing bo aidmu inta moraat.

YEHEZKIEL 16:25

Iko in nopotaḷuidon in koḷoḷunatmu. Awakmu in pinonotogmudon kon bayongan in ḷoḷaki inta moitaḻib, bo diá mogoga-gogai iko in monuaḻing.