KINOBAḺIAN 38:1 - Alkitab Singog In Mongondow Masa In Tanaa

¹ Kon tungkuḷ intua ki Yohuda nonaḷámaidon kon i utatnea mita bo minayá nogutun takin i Hira, tobatú ḷoḷaki inta nongkon kotá in Adulam.

KINOBAḺIAN 38:1 Iomraidhean Croise

KINOBAḺIAN 38:12

Diá noonggot kon tua ki buḷoi Yohuda minatoi. Naonda in nopaḷut mako pinonusaan, ki Yohuda nonongganut kon i Hira, yobayatnea nongkon Adulam tua, minayá in Timna, tampat pinonggonsingan kon bubuḷ in dombanea mita.

KINOBAḺIAN 38:20

Noḻin onggotmai nongkon tua ki Yohuda nopotabá kon i Hira, yobayatnea, sin mogatod kon bembé bo mogamá bui kon barang mita inta ain inogoinea saḷaku kokantangan, táe ki Hira diá noyodungkuḷ in bobay tatua.

SAMUEL 2 23:13

Kon singgai ibanea kon dodai in motoyongdon in ponoḻisían kon bungai in boyó, intau toḷu nongkon 30 in porwira i Daud inta noiḷontú tua nosiḻig kon Angob in Adulam. Kon tungkuḷ intua ki Daud kon bonu in tampat poḷoḷukadan kon angob tatua. Intau in Pilistin nononḷoḷaigan kon Ḷopá in Repaim, bo topaanan nongkon i monia in nokoḻitúdon kon Betlehem.

DATU MITA 2 4:8

Kon Sunem oyúon in bobay tobatú inta nooyúon. Kon singgai tobatú kon dodai in ki Elisa minayá in Sunem, bobay tatua in nogoiní kon inia nongaan. Pinangkoi kon tua pomuḷoi in ki Elisa mongandup kon Sunem mongaan in sia kon baḷoi in bobay tatua.

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

MIKHA 1:15

Ei intau in Maresya, Ki Tuhan in moposarakan kon i monimu kon musung inta mopotungkud in kotámu. Itoi mita in Israel inta nongawasa in mogadop kon bonu in angob mita kon Adulam.

HAKIM MITA 4:18

Naonda in ki Sisera namangoi, sinontomu i Yael in sia poḷat noguman, “Igai Tuang, tuotdon kon bonu in ḷoḷaiganku; dikadon moondok.” Dá sinumuotdon in ki Sisera kon bonu in ḷoḷaigan tatua bo kinoḷoban i Yael in toipoi in sia sinbá moibuni.

SAMUEL 1 22:1

Onda intua ki Daud nonaḷámaidon kon kotá in Gat bo nogadop kon angob kon diug in kotá in Adulam. Naonda in kinodongogan i guya-guyangnea mita bo in bayongan in ginaḷumnea kon ki Daud in kon tua, namangoidon in mosia kon inia.