KINOBAḺIAN 37:8 - Alkitab Singog In Mongondow Masa In Tanaa

⁸ “Kainimu kamai iko in mobaḻíbí datu bo kawasaanmu in kami?” guman i guya-guyangnea mita. Bo nodugangdon in yaat in gina monia kon inia popisí in togoindopnea mita bo popisí doman in onu inta siningognea.

KINOBAḺIAN 37:8 Iomraidhean Croise

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 37:4

Naonda in ki guya-guyang mita i Yusup nokoontong kon ki Yusupbí in kotabi-tabi amá monia, noyaatdon in gina monia kon i Yusup, dapot in mosia doídon mongonguman tumompiamai takinnea.

KINOBAḺIAN 37:9

Noiduduimai kon tua ki Yusup bui doman sinumogoindop, bo sia noguman kon i guya-guyangnea mita, “Akuoi in sinumogoindop bui, inontongku mata in singgai, buḷan bo tundi mopuḷú bomitá sinumungkud nosumba kon inakó.”

KINOBAḺIAN 42:10

“Diábí natua, Tuangku,” tubag monia. “Kami, bobantung mita i Tuang naa in namangoi tongábí motaḷui kon kaanon.

KINOBAḺIAN 44:18

Ki Yohuda in minayá dinimiug kon i Yusup bo noguman, “Maap, Tuangku, ogoipa in bobantungmu naa mosingog bui takin i Tuangku. Dika tumorú kon inakó inta tongá bobantung naa; Ki Tuang nádon ki datu in Mesir tontaní.

KINOBAḺIAN 49:26

gandum bo bungang. Barakat i Allah i amámu moiḻiu kon kaoyúonan in buḷud mita inta totokdon in noonggot. Poigumon mako moponagdon in bayongan barakat tatua kon uḷu i Yusup, kon ḻimonik in pogotnea. Siata in noiḷontú kon i utatnea mita.

KINOBAḺIAN 50:18

Bo ki utatneadon in namangoi tontaní bo sinumungkud kon tayowonnea takin noguman, “Kami naa in bobantungmu.”

MAZMUR 118:22

Batu inta iḷumbú in mogogaid mita kon baḷoi, ain nobaḻí batu tongguḷunea.

IḶUAIAN 2:14

Intau tatua in notubag, “Ki ine in noduí kon inimu itoi bo hakim kon i nami? Degá ḻimodonmu doman in akuoi, ná intau in Mesir inta iḻimodmu tua?” Bo ki Musa inagíandon in ondok bo norai, “Mobodito! Oaidku tatua aindon kinotaauan.”

LUKAS 19:14

Táe intau mita inta toḻipúannea mosakí in gina kon inia, dá naonda in sia minayá, intau mita inta mosakí in gina kon inia tua nopotabá doman in tobatú intau sin moguman nanaa, ‘Kami in doíbí aka intau tanaa in mobaḻí datu nami.’

LUKAS 20:17

Bo nobobui in ki Yesus kon i monia bo noḻibó, “Aka natua yo onubí in mangaḻe inta ain pinais kon Buk Motusi nanaa? ‘Batu inta iḷumbúdon in intau mita inta mogogaid kon bangunan nobaḻídon batu inta baraguna totok.’

OUMAN IN RASUL MITA 7:35

Ki Musa naa kinodoí in bayongan intau Israel bo inta siningog monia nanaa, ‘Eta ki inebí in nomaḻí kon inimu itoi bo hakim kon sigad nami?’ Táe ki Musabí intau inta pinotabá i Allah mobaḻí itoi bo mopoposaḷamat, takin totuḷung in malaekat inta namangoi kon inia inta kon yua-yuak in díat tatua.

ULANGAN 33:16

Igumon mako butánea in mopuḻing in bayongan in inta totok mopia, bo barakatan in kopopia i Tuhan inta nosingog nongkon ḻimbuyun inta nodokot. Igumon mako barakat tatua in moponag kon buí i Yusup, sin sia tua inta nobaḻí itoi kon sigad i utatnea mita.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

SAMUEL 1 10:27

Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.

SAMUEL 1 17:28

Ki Eliab ki utat i Daud inta guya-guyang totok nokodongog kon i Daud nongonguman takin in tontara mita. Sinumorú in sia kon i Daud poḷat noguman, “Nongonu sin iko in namangoibí in naa? Ki ine in pinoki ḷukadanmu in dombamu mita inta doyowa toḷu tua kon padang gurun? Kinotaauankubí, kon iko nion in tumekeng mobarani; iko nion in mamangoi tongábí moindoi kon poparangan?”

SAMUEL 1 18:8

Nokodongogmai kon natua, sinumorú totok in ki Saul. Sin irainea, “Ki Daud in inanggap ain noyopú kon puḷúan ribu, bo akuoi in tongábí ribu. Diádon moonggot bo baḻíon monia in sia datu!”