KINOBAḺIAN 37:3 - Alkitab Singog In Mongondow Masa In Tanaa

³ Tabi i Yakub kon i Yusup noiḻiu kon tabinea kon i adínea mita ibanea, sin ki Yusup in pinononggadí kon wakutu in ki amánea nogoguyangdon. Kon singgai tobatú ki Yusup pinogaidannea kon jubah tobatú inta totok in mogaga.

KINOBAḺIAN 37:3 Iomraidhean Croise

KINOBAḺIAN 37:23

Naonda in ki Yusup noyaput kon i guya-guyangnea, takin sampuradu in mosia noḷongkut kon jubah i Yusup inta totuu mogaga tua.

KINOBAḺIAN 37:31

Bo mosia in noratá kon bembé tobatú bo jubah i Yusup pinoḷodok monia kon dugú in bembé tatua.

KINOBAḺIAN 37:32

Onda intua jubah tatua pinoki atod monia kon i amá monia takin koyow, “Jubah tanaa nouḻí nami. Pirikisaka mongo jubah i adí i Papa in naa?”

SAMUEL 2 13:18

Bobantung tatua nogaid kon onu in pinoki aid kon inia tua. Ḷambung i Tamar in jubah mobanat inta noḷanggó in ḻimanea. Kon tungkuḷ intua adí mita bobay i datu inta diápa kobuḷoi in biasamai mogiḷambung ná tatua.

YEHEZKIEL 16:16

Tongosilai in pakeangmu pinakému pinoḷambá kon tampat pososumbaanmu kon berhalamu. Iko in nobaḻí sundaḷ bo nobogoi in awakmu kon bayongan in ḷoḷaki.

YOHANES 3:35

Ki Amá motabi kon i Adí-Nea, bo pinosarakan-Neadon bayongan in kawasa-Nea kon i-Nia.

HAKIM MITA 5:30

“Mosia in koyogot mosilai kon onu inta inagow monia kon parang, kon batúan in tontara, tobatú ande doyowa in mongodeaga. Kon i Sisera, bahan ḷambung inta totok in mongomahaḷ, kon i bokí, in aḷuang inta sinujian in noyagi-yagimai in batangannea.”