KINOBAḺIAN 37:2 - Alkitab Singog In Mongondow Masa In Tanaa

² bo naadon riwayat motoḷuadí i Yakub: Kon tungkuḷ in ki Yusup, ki adí i Yakub umur mopuḷú bo pitu notaong, sia in moḷukadmai kon paanan in bembé domba moyotakin i guya-guyangnea mita, inta ki adí mita i Bilha bo i Zilpa, ki buḷoi amánea inta bobantung. Sia in nopotaau kon oaid mita diá mopia i guya-guyangnea kon inia.

KINOBAḺIAN 37:2 Iomraidhean Croise

KINOBAḺIAN 10:1

Naa in buí i adí mita i Nuh, inta ki Sem, ki Yapet bo ki Ham. Naonda in kinopaḷutan mako in ḷunud moḷoben, taya toḷu in nokouḻí kon adí mita ḷoḷaki.

KINOBAḺIAN 2:4

Tuata in ouman soaḷ pinomaḻían i Allah kon dunia naa takin tombonunea. Kon tungkuḷ in ki Tuhan nomaḻí kon dunia naa,

KINOBAḺIAN 30:4

Bo inogoineadon ki Bilha kon i buḷoinea, bo ki Yakub nosiugdon noyotakin in bobantung tatua.

KINOBAḺIAN 30:9

Naonda in kinorasaanmai Lea kon sia diádon bui mokouḻí kon adí, dá inogoineadon in bobantungnea, ki Zilpa, inogoinea kon i Yakub sinbá pobuḷoionnea.

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 42:8

Umpaka kinotaauan i Yusup kon mosia tua in ki guya-guyangnea, táe mosia in diá bidon nonotaau kon inia.

KINOBAḺIAN 45:6

Tanaa bagu kon taong induanea kon sempo in malarat, bo ḻimapa notaong intau diápabí motaau momajeko ande mogamá kon boyó in gobá.

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

KINOBAḺIAN 5:1

Naadon in buí mita i Adam. [Kon tungkuḷ in ki Allah nomia kon intau, pinomia-Nea in mosia notombatangan-Nea tontaní.

KINOBAḺIAN 6:9

Naadon in ouman soaḷ ki Nuh. Sia in kogadí kon ḷoḷaki taya toḷu, tangoi monia ki Sem, ki Yapet bo ki Ham. Ki Nuh in diá nogaid kon onu inta noitaḷá, bo tongádon sia in intau mopia kon tungkuḷ intua. Sia in nobiag modagin kon i Allah.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

KORINTUS 1 1:11

Sin nodaitdon inouman in ginaḷum i Kloë kon inakó, kon naanta oyúonbí in yogenggeng kon sigad monimu.

KORINTUS 1 11:18

Sin ain dinongogku, kon aka aindon moyosipun in moiko mosambayang saḷaku jamaat, yo tantúpabí doman oyúon in bobayowan kon sigad monimu. Bo iraiku kon totuubí in habar tanaa.

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!