KINOBAḺIAN 36:9 - Alkitab Singog In Mongondow Masa In Tanaa

⁹ Naa in buí i Esau, mogoguyang intau in Edom.

KINOBAḺIAN 36:9 Iomraidhean Croise

KINOBAḺIAN 19:37

Adí guya-guyang nopononggadí in adí ḷoḷaki inta sinangoiannea ki Moab. Sia in nobaḻí mogoguyang intau in Moab inta masai naa.

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

KINOBAḺIAN 32:4

Ki Yakub in noguman kon i monia, “Pogumandon nanaa kon i guya-guyangku ki Esau, ‘Akuoi ki Yakub, bobantungmu. Noonggotdon akuoi nogutun kon i Laban.

KINOBAḺIAN 36:10

Ki buḷoi Esau inta ki Ada nopononggadí in tobatú adí ḷoḷaki, tangoinea ki Elipas. Bo ki Elipas kogadí kon adí ḷoḷaki ḻima, inta ki Téman, ki Omar, ki Zepo, ki Gaetam bo ki Kenas. Ki Elipas kobuḷoi doman kon bobantung, tangoinea ki Timna. Sia nopononggadí in adí ḷoḷaki, ki Amalek in tangoinea. Ki buḷoi i Esau inta ki Basmat nopononggadí in tobatú adí ḷoḷaki, tangoinea ki Rehuel. Bo ki Rehuel kogadí kon opat in adí ḷoḷaki, inta ki Nahat, ki Zera, ki Syama bo ki Miza.

KINOBAḺIAN 36:8

Dá ki Esau inta dinonoi doman ki Edom, nogutundon notantú kon buḷud in Seir.

TAWARIKH 1 4:42

Kon bonu in tongganut i adí mita i Yisei, inta ki Pelaca, ki Nearya, ki Repaya bo ki Uziel, 500 in intaunea ibanea nongkon suku i Simeon in nomamping kon Edom kon pomukaan.

OBAJA 1:1

Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”

ULANGAN 2:5

táe diábí motaau in moiko in monubu kon i monia, sin butá monia tua in diá topiḻikmai in ogoi-Ku kon inimu, sin butá in Edom inogoi-Kudon kon buí i Esau.

YOSUA 24:4

bo ki Ishak inogoian-Ku in adí doyowa, ki Yakub bo ki Esau. Buḷud in Edom in inogoi-Ku kon i Esau nobaḻí kapunyaannea, táe ki Yakub, mogoguyang monimu tua, in nomamping kon Mesir, noyotakin i adínea mita.