KINOBAḺIAN 36:8 - Alkitab Singog In Mongondow Masa In Tanaa

⁸ Dá ki Esau inta dinonoi doman ki Edom, nogutundon notantú kon buḷud in Seir.

KINOBAḺIAN 36:8 Iomraidhean Croise

KINOBAḺIAN 14:6

bo intau in Hori kon buḷud in Edom, bo inaḷowan monia nodapot in El-Paran kon bingkí in padang gurun.

KINOBAḺIAN 25:30

Sia in noguman kon i Yakub, “Akuoi in gogoyon totok. Ogoiaipa in berenebon topiḻik tatua.” (Tuamai sia sinangoian Edom.)

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

KINOBAḺIAN 32:4

Ki Yakub in noguman kon i monia, “Pogumandon nanaa kon i guya-guyangku ki Esau, ‘Akuoi ki Yakub, bobantungmu. Noonggotdon akuoi nogutun kon i Laban.

KINOBAḺIAN 36:1

Naa in buí mita i Esau inta dinonoi doman ki Edom.

KINOBAḺIAN 36:9

Naa in buí i Esau, mogoguyang intau in Edom.

TAWARIKH 1 4:42

Kon bonu in tongganut i adí mita i Yisei, inta ki Pelaca, ki Nearya, ki Repaya bo ki Uziel, 500 in intaunea ibanea nongkon suku i Simeon in nomamping kon Edom kon pomukaan.

TAWARIKH 2 20:10

Tanaaya bangusa in Amon, Moab bo Edom monubu kon inami. Kon tungkuḷ in mogoguyang nami namangoi nongkon Mesir, diábí inogoi-Mu in mosia in mogutun kon butá in bangusa mita tatua. Dá mogoguyang nami nogamá kon daḷan iḻimibu bo diábí nomoguyaat kon bangusa in Amon, Moab bo Edom tatua.

TAWARIKH 2 20:23

Tontara in Amon bo Moab in monubu kon tontara in Edom bo morimumudon kon i monia komintan. Onda intua mosia momurow bo mositubuan totok.

YEREMIA 40:11

Kon dodai intua bayongan intau in Israel inta kon butá in Moab, Amon, Edom, bo kon butá mita ibanea, nokodongog kon ki datu in Babel ain nobogoi kon tongosilai in intau in Israel nogutun kon Yohuda, bo sia in noduí domandon kon i Gedalya nobaḻí gubernur.

OBAJA 1:1

Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

MALEAKHI 1:3

ki Esau in kinodoí-Ku. Butá tombuḷud i Esau in irimumud-Kudon, bo butánea in inogoi-Kudon kon mahaḷuk mita inta mokokaan kon biag ibanea kon padang gurun.”

ULANGAN 2:22

Natua doman in pinomia i Tuhan kon intau in Edom, buí i Esau, inta nogutun kon buḷud in Edom. Iyopú i Tuhan intau in Hori, dá intau in Edom nogagow kon butá tatua bo poḷat iḻitúan, bo nogutundon notantú kon tua nodapot in masai naa.

ULANGAN 2:4

Onda intua ki Tuhan nopotabá kon inakó mobogoi in totundú mita tanaa kon inimu, ‘Diádon moonggot bo moiko in tumuot kon butá in Edom, butá i utatmu mita, buí i Esau. Mosia in motoguondokbí kon inimu,

ULANGAN 2:5

táe diábí motaau in moiko in monubu kon i monia, sin butá monia tua in diá topiḻikmai in ogoi-Ku kon inimu, sin butá in Edom inogoi-Kudon kon buí i Esau.

YOSUA 24:4

bo ki Ishak inogoian-Ku in adí doyowa, ki Yakub bo ki Esau. Buḷud in Edom in inogoi-Ku kon i Esau nobaḻí kapunyaannea, táe ki Yakub, mogoguyang monimu tua, in nomamping kon Mesir, noyotakin i adínea mita.

SAMUEL 1 14:47

Naonda in ki Saul nobaḻí datu in Israel, sia in noparang kon bayongan tampat noḷawang kon bayongan musung in Israel, tuata in intau in Moab, intau in Amon, bo intau in Edom, datu mita in butá in Zoba, bo intau in Pilistin. Kon ondaka in poparangannea, umuran in sia mokountung.