KINOBAḺIAN 34:30 - Alkitab Singog In Mongondow Masa In Tanaa

³⁰ Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

KINOBAḺIAN 34:30 Iomraidhean Croise

KINOBAḺIAN 12:12

Aka intau in Mesir mokoontong kon inimu, mosia tantú mogumanbí kon iko in ki buḷoiku, bo akuoi in ḻimodon monia táe iko in pomayábí mako monia mobiag.

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 12:6

Ki Abram noḻibu kon butá tatua bo noidapotdon in sia kon tobatú pangkoi in kayu inta kai monia mokaramat kon More, inta tampat pososumbaan kon Sikhem. (Kon dodai intua intau in Kanaan nogutunpa kon butá tatua.)

KINOBAḺIAN 13:7

Bo nobaḻídon in bobayowan kon sigad in gombala i Abram bo gombala mita i Lot. (Kon tungkuḷ intua intau mita in Kanaan bo intau mita in Peris nogutunpa kon butá tatua.)

KINOBAḺIAN 34:2

Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

KINOBAḺIAN 34:29

Mosia in nogamá kon bayongan barang inta koboḻi, nodomok kon bayongan bobay bo adí mita, bo nogagow kon bayongan tombonu in baḷoi mita kon kotá tatua.

KINOBAḺIAN 34:31

Táe mosia in notubag, “Kami in doíbí mopomayá mako kon i ai-ai nami pomiaan ná bobay sundaḷ.”

KINOBAḺIAN 46:26

Buí i Yakub inta minayá in Mesir kobayongnea in onom nopuḷú bo onom in intau, diápabí pinoyoiyap in ki mototakanea mita.

KINOBAḺIAN 46:27

Ki adí mita i Yusup inta pinononggadí kon Mesir in taya dua, sahingga motoḷuadí i Yakub inta noyaput kon Mesir kobayongnea komintan in pitu nopuḷú.

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 2 16:21

Tubag i Ahitopel, “Bayádon kon buḷoi mita i amá i Tuangku inta sinaḷáan sin moḷukad kon komaḻig, bo posiug takin i monia. Bayongan in Israel in monotaaudon kon pongin oaid i Tuangku natua, dá ki Tuangku in inanggapdon musung i amá i Tuangku. Dá bayongan dumodudui i Tuangku in modugangdon mobarani.”

DATU MITA IMITÁNEA 11:25

Ná doman ki Hadad, ki Datu Rezon in nosaturu doman kon Israel kon tungkuḷ in ki Salomo nobiagpa, bo nonuyayow kon butá tatua.

DATU MITA IMITÁNEA 18:18

“Akuoi in deemanbí mononuyayow,” tubag i Elia, “táe ki tuang datubí tontaní. Ki Tuang datubí bo motoḷuadí i Tuang datu in mononuyayow. Pinongin mosumba kon berhala mita in Baal, Ki Tuang datu in iḻimimpatdon kon parenta mita i Tuhan.

TAWARIKH 1 16:12

Ei buí i Yakub, mogogundoi i Allah! Ei buí i Israel, umat inta piniḻí-Nea! Toropdon in bayongan inta mokoherang inta inaidan-Nea, dika mokoḻiong kon kaputusan-Nea mita.

TAWARIKH 1 16:19

Dungkuḷmai umat i Tuhan nobiag nobaḻí ango-angoi kon tua mosia in tongábí topiḻik.

TAWARIKH 1 19:6

Bo ki Datu Hanun bo intau in Amon nonotaaudon kon aid monia tua in nokopopisídon kon i Daud nosaturu kon i monia. Tuamai in nokidiadon in mosia kon 34.000 nokilo in saḷaka kon butá in Mesopotamia Ḻimonik, bo kon Maakha bo Zoba kon Siria sin monondan kon 32.000 in kereta in parang bo tontara inta tumakoi kon kabaḷo. Dá namangoidon in tontara i Datu Maakha takin bayongan in kereta in parang inta sinondanan tatua bo nononḷoḷaigan kon diug in Medeba. Intau in Amon in namangoi domandon nongkon bayongan in kotá monia sin moparang.

TAWARIKH 1 2:7

Ki Akhan adí i Karmi buí i Zerah, nokopoangoi kon bodito kon umat in Israel popisí in nogamá kon pakakat inta inagow kon parang inta ain sinantú ogoi kon i Allah.

MAZMUR 105:12

Dungkuḷmai umat i Allah in nobiag saḷaku intau ango-angoi kon tua tongábí topiḻik in mosia.

IḶUAIAN 5:21

Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

AMSAL 11:17

Intau inta mopia in gina in modiabí kon kauntungan kon inia tontaní; intau inta moromú in mokoporugimaibí kon inia tontaní.

AMSAL 11:29

Intau inta moposusamai in tonibuḷoinea, in kobuḻianbí in bayongan yagi-yagi. Intau bodok in mobantungbí kon intau inta mobijaksana.

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

ULANGAN 4:17

ḷagapan ande toyá, mahaḷuk ḷumandai ande mahaḷuk ibanea.

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.

ULANGAN 7:7

Moiko kinotabi bo piniḻí i Tuhan, deemanbí popisí in moiko in moḷobe-ḷoben nongkon bangusa mita ibanea; totuubí kon moikobí nion in bangusa inta totok in mointok kon dunia naa.

YOSUA 7:25

Bo ki Yosua noguman kon i Akhan, “Nongonu sin iko in nopoangoibí in roriga kon inaton? Tanaa ki Tuhan mopoangoidon in roriga kon inimu!” Dá ki Akhan takin mosia motoḷuadínea inarabdon in bayongan umat in Israel in batu nodapot in minatoi. Komintan kapunyaannea, bo barang mita inta sinakownea nodaitdon sinubá nodapot in nopayong komintan.

SAMUEL 1 13:4

Pinotaaudon kon bayongan in bangusa in Israel kon ki Saul ain noḻimod kon itoi in tontara in Pilistin tatua bo intau in Pilistin totokdon in moyaat in gina kon intau in Israel. Tuamai rayat in dinumuduidon kon tongganut kon moyotakindon i Saul kon Gilgal.

SAMUEL 1 16:2

Táe ki Samuel in notubag, “Naonda in pogogaidku? Aka kodongogan i Saul intua, yo notantú bidon kon ḻimodonnea in akuoi!” Ki Tuhan in notubag, “Podiadon kon sapi batánea tobatú, bo potaaudon kon rayat kon iko in mayá intua sin moposumba in kuruban kon i Tuhan.

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”

SAMUEL 1 27:12

Táe ki Akhis in nopirisayabí kon i Daud bo norai kon bonu in ginanea, “Sia tua in totokbí in kinodoí in bangusanea tontaní, dá pakisadon in sia nobaḻí bobantungku kinoouputbí in kinobiagannea.”