KINOBAḺIAN 34:25 - Alkitab Singog In Mongondow Masa In Tanaa

²⁵ Toḷu nosinggai noiduduimai kon tua, kon wakutu in intau mita ḷoḷaki nonahangpa mako kon monakit pinopisí in bagupa sinoit, indoianmai yo ki adí i Yakub doyowa, inta ki guya-guyang i Dina inta ki Simeon bo ki Lewi, nogamádon kon pitow monia, bo takin diá noguman sinumuot kon kotá. Onda intua mosia noḻimod kon bayongan ḷoḷaki kon tua,

KINOBAḺIAN 34:25 Iomraidhean Croise

KINOBAḺIAN 34:26

noitakin doman in ki Hemor bo ki Sikhem. Bo mosia in nogamádon kon i Dina nongkon baḷoi Sikhem bo minayá.

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

PINOGIAPAN 31:17

Dá, naa in ḻimodon in bayongan adí ḷoḷaki bo bobay mita inta ain pinobuḷoi.

PINOGIAPAN 31:7

Podudui in parenta i Tuhan kon i Musa, intau in Israel nonubu kon intau in Midian bo noḻimod kon bayongan intau ḷoḷaki monia,

YOSUA 5:8

Naonda in mosia komintan nodaitdon sinoit, mosia nogutun kon pinononḷoḷaigan nodapot in kekeb monia nopia.