KINOBAḺIAN 34:2 - Alkitab Singog In Mongondow Masa In Tanaa

² Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

KINOBAḺIAN 34:2 Iomraidhean Croise

KINOBAḺIAN 10:17

Intau in Hewi, Arki, Sini,

KINOBAḺIAN 20:2

sia in noguman kon ki Sara ki buḷoinea tua in ki ai-ainea. Tuamai ki Datu Abimelek inta nongkon Gerar nopotabá in totabánea sin modia mangoi kon i Sara poangoi kon inia.

KINOBAḺIAN 33:19

Noiduduimai kon tua sinaḷuineadon in tampat tatua nongkon intau mita inta buí i Hemor, ki amá i Sikhem, boḻinea mogatut doit saḷaka.

KINOBAḺIAN 34:27

Naonda in nopaḷut pinoḻimodan tatua, ki adí mita i Yakub ibanea nogagow kon kotá tatua saḷaku toḻiu in yaat in gina monia sin ki ai-ai monia ain pinokopo oyámai monia.

KINOBAḺIAN 34:3

Táe sia in totokbí in moibog kon i Dina, dapot in sia totokdon in moibog bo moramuji sinbá mongodeaga tatua moibog domandon kon inia.

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

SAMUEL 2 11:2

Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

SAMUEL 2 11:4

Binayá pinoki gamá i Daud in bobay tatua, bo naonda in sia namangoi in komaḻig, ki Daud nosiug takinnea. (Batsyeba bagupabí nogaid kon upacara pinondaritan naonda in nopaḷut inangoinea). Bo nobuidon in sia kon baḷoinea.

SAMUEL 2 13:14

Táe doí in ki Amnon mokidongog kon singognea tua, bo popisí in sia in moropo-ropot, dá dinomokneadon in ki ai-ainea tatua, bo pinakisanea siniugan.

AYUB 31:1

Pinongin ibot akuoi in modandi mongodeaga moguod diábí bobuionku takin ibog in awak.

AYUB 31:9

Aka kuma bo akuoi in nokoimontandon nongibog kon i buḷoi in topodiugku, bo umado-adop mako, sinarapku in sia kon ḻikud in ḷoḻingkop,

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

ULANGAN 21:14

Aka kon singgai moiduduimai bo iko doídon kon inia, iko in motaau bidon mopotabá kon inia kon ondaka in koibognea bo moiḷuatdon. Sia in diábí motaau baḻíonmu ná ata ande potaḷuimu, sin sia aindon pinakisamu mosiug takinmu.”

ULANGAN 22:24

Kon pelekara natua mosia in musti diaan poḷuai kon kotá bo ara bo in batu dapot in matoi. Mongodeaga tatua in musti ḻimodon sin sia in diá nomaḷú mokituḷung, bo tua in nobaḻí kon bonu in kotá, inta aka sia momaḷú yo kodongoganbí. Bo ḷoḷaki tatua in musti doman ḻimodon sin sia ain nosiug takin mongodeaga inta ain kinantangan. Takin mohukum kon i nayadua tua, yo moiko in monginggamádon kon inta moraat tatua.

ULANGAN 22:29

Kon pelekara tatua in ḷoḷaki tatua musti moguboḻi kon i amá in mongodeaga tatua in bogoi kon tonibuḷoi ḻima nopuḷú in doit saḷaka in kobayongnea. Mongodeaga tatua in mustibí umuran mobaḻí ki buḷoinea sin sia in pinakisadon nosiug takinnea bo kon bonu in kobiagannea sia in diábí motaau gaaton.

YOSUA 9:7

Táe intau mita in Israel noguman, “Onubí in mangaḻenea kami momia kon dodandian takin i monimu? Degá bo moiko nion in tongábí nogutun kon nodiugmai mita kon naa!”

HAKIM MITA 14:1

Kon singgai tobatú ki Simson minayá in Timna, bo nokoontong kon mongodeaga tobatú intau in Pilistin kon tua.

HAKIM MITA 9:28

“Ki ine in kita naa nodapot in kita naa mustibí mohoromat kon i Abimelek?” guman i Gaal. “Ki inebí in sia tua? Sia tua in ki adí i Gideon kon i Zebul bobantungnea tua inta ain nobaḻí ata i Hemor, ki amá i Sikhem, mogoguyang naton!”