KINOBAḺIAN 34:12 - Alkitab Singog In Mongondow Masa In Tanaa

¹² Pogumandon mongo tombuinag onu in kinoibog monimu, bo tantúdon in kobayong in buḷawan ogoi inta mobaḻí bobogoi kon tonibuḷoinea. Akuoi in mobogoibí in onukadon poigumon monimu, asaḷ bo ogoi monimu in akuoi motonibuḷoi takin adí bobay tatua.”

KINOBAḺIAN 34:12 Iomraidhean Croise

KINOBAḺIAN 24:53

Bo sia nopoḷuai in pakeang, ḷambá saḷaka bo buḷawan, bo inogoi in tua komintan kon i Ribka. Ki guya-guyangnea bo ki inánea inogoiannea doman in tombuinag inta mongomahaḷ.

KINOBAḺIAN 29:18

Ki Yakub in noibogdon kon i Rahel, tuamai sia noguman kon i Laban, “Akuoi in mogaid pitupa notaong aka ogoimu akuoi motonibuḷoi takin i Rahel.”

KINOBAḺIAN 31:41

Ná domai tua in rorigaku tungkuḷ in akuoi nogaid kon inimu doyowa nopuḷú notaong koonggotnea. Mopuḷú bo opat notaong koonggotnea akuoi nogaid kon inimu sinbá motaau mobuḷoi kon i adímu doyowa tatua – bo onompa doman notaong bui sinbá mokouḻí kon paanan bembé bo domba tatua. Bo solama intua iko ain kopuḷú nomaḷui kon tondan in pinogaidanku.

KINOBAḺIAN 34:11

Bo ki Sikhem noguman kon i amá i Dina bo kon i guya-guyangnea mita, “Duduiaidon in oigumku tanaa, dá akuoi in dumudui bidon kon onuka in kinoibog monimu.

KINOBAḺIAN 34:13

Popisí in ki Sikhem ain nokopooyámai kon kahoromatan i ai-ai monia ki Dina, dá ki adí mita i Yakub nonguboḷ kon i Sikhem bo kon i Hemor ki amánea.

SAMUEL 2 3:14

Nopaḷut mako kon tua ki Daud nopotabá doman in totabá minayá kon i Isyboset, takin nodia kon koyow, “Maníka pobuiondon i Tuang in ki Mikhal, ki buḷoiku tua kon inakó. Sia tua in inuboḻiankudon in mogatut in kuḻit in pinonoitan in intau in Pilistin.”

IḶUAIAN 22:15

Táe aka tua bo nobaḻí koonto-ontong i toginea, dá intau inta noḷuan tatua in diábí paraḷu moguboḻi kon karugian tatua. Aka bobiagon tatua bo bobiagon sinondanan, yo karugiannea in noyopuḻidon in tondannea.”

HOSEA 3:2

Dá uboḻian-Ku in doit saḷaka mopuḷú bo ḻima bo mogatut bo ḻima nopuḷú nokilo in gandum sinbá mokouḻí kon bobay tatua.

MATIUS 14:17

Tubag monia, “Kami tongá nodia kon roti ḻima bo toyá doyowa.”

SAMUEL 1 18:23

Táe naonda in mosia nopotaau intua kon i Daud, sia in notubag, “Kai monimu kamai yo mogampangbí in mobaḻí mototaka in datu? Akuoi naa in intau nobogá bo diá in mangaḻenea!”