KINOBAḺIAN 33:15 - Alkitab Singog In Mongondow Masa In Tanaa

¹⁵ Guman i Esau, “Aka natua, dá bain taḷaanku in tongonumai intau inta noyotakinku naa.” Táe ki Yakub in notubag, “Donaaidon mosusamai, akuoi in tongábí moibog moposanang gina in Guya-guyang.”

KINOBAḺIAN 33:15 Iomraidhean Croise

KINOBAḺIAN 32:6

Naonda in totabá mita tatua nobuidon mangoi kon i Yakub, mosia in noguman, “Kami ain minayá kon i Esau, ki guya-guyang i Tuang bo tanaa sia tayo-tayowdon mangoi sin motomu kon i Tuang. Sia in namangoi takin intaunea opat nogatut.”

KINOBAḺIAN 33:16

Dá nobuidon in ki Esau kon singgai doman tatua, sia nobui kon Edom.

KINOBAḺIAN 34:11

Bo ki Sikhem noguman kon i amá i Dina bo kon i guya-guyangnea mita, “Duduiaidon in oigumku tanaa, dá akuoi in dumudui bidon kon onuka in kinoibog monimu.

KINOBAḺIAN 47:25

Tubag monia, “Ki Tuang ain noposaḷamat kon inami dá kami mopoyaput in sukur moantó. Kami in morelabí mobaḻí bobantung i datu.”

SAMUEL 2 16:4

Bo nogumandon in ki datu kon i Ziba, “Pinangkoidon kon tanaa bayongan kapunyaan i Mepiboset in mobaḻídon kapunyaanmu.” “Sukur moantó Tuang,” tubag i Ziba. “Igumon mako ki Tuang umuran mopia in gina kon inakó!”

RUT 2:13

Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”

SAMUEL 1 1:18

Tubag i Hana, “Igumon mako in akuoi mokouḻí kon totabi i Amá.” Onda intua minayá in sia, bo nongaan; bo diádon noajar in ginanea.

SAMUEL 1 25:8

Tungkuḷaidon ḻibó kon i monia, notantúbí kon totuuon monia intua. Manangka intua, haraponku mako sinbá intauku mita in tarimaan mopia kon baḷoimu, sin kami in namangoi kon singgai moḷoben naa. Ogoiaipa kaasí in bobantungmu mita naa bo akuoi, ki Daud, inta yobayatmu mopia, tongáka onu in koibogmu ogoi.”