KINOBAḺIAN 33:14 - Alkitab Singog In Mongondow Masa In Tanaa

¹⁴ Unadon, akuoi in mayá doman dumuduianmai umpaka ḷumaḷoyanmai podudui in ḷampang in bobiagon mita tanaa, bo podudui doman in ḷampang i adíku mita modapot in akuoi moyaput kon i tuangku kon Edom.”

KINOBAḺIAN 33:14 Iomraidhean Croise

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

KINOBAḺIAN 32:4

Ki Yakub in noguman kon i monia, “Pogumandon nanaa kon i guya-guyangku ki Esau, ‘Akuoi ki Yakub, bobantungmu. Noonggotdon akuoi nogutun kon i Laban.

KINOBAḺIAN 33:13

Ki Yakub in notubag, “Kinotaauanbí i Tuangku kon adí mita tanaa moyangkópa, bo mustiku ḷukadan doman in bobiagon mita inta kogadí kon mointokpa. Aka ḻimikat in modia kon i monia, umpaka tongá tosinggai, yo matoibí in bobiagon mita tanaa.

TAWARIKH 2 20:10

Tanaaya bangusa in Amon, Moab bo Edom monubu kon inami. Kon tungkuḷ in mogoguyang nami namangoi nongkon Mesir, diábí inogoi-Mu in mosia in mogutun kon butá in bangusa mita tatua. Dá mogoguyang nami nogamá kon daḷan iḻimibu bo diábí nomoguyaat kon bangusa in Amon, Moab bo Edom tatua.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YEHEZKIEL 25:8

Ki Tuhan Inta Totok in moḷantud in noguman, “Moab in noguman kon Yohuda tua in notongkai in bangusa mita ibanea.

MARKUS 4:33

Natua in pinototundú i Yesus kon intau mita. Sia nomaké in poumpamaan mita natua komangoi in komangaḻean monia.

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

KORINTUS 1 3:2

Koḻipod in moiko tongápabí pinokaankumai in kaanon adí mointok, deemanpabí kaanon intau inta noguyangdon sin diápa in moiko mokomampu in mokaan kon natua. Táe umaaipa doman masa in tanaa natuapa doman in moiko,

ULANGAN 2:1

Pangabisannea kita in nobui kon padang gurun nongin daḷan inta nopobayá ná Teluk in Akaba, ná inta pinarenta i Tuhan. Noonggot in kita nodondaḷoi kon buḷud in Edom.

HAKIM MITA 5:4

Kon tungkuḷ in pinotabá-Mudon minayá nongkon Seir, o Tuhan, bo butá in Edom sinaḷáan-Mu, butá in noḷundan, daḷan mita in tubig kon ḷangit nongo bukat domandon, bo goḷom mita in nopobutakdon in tubignea.