KINOBAḺIAN 33:10 - Alkitab Singog In Mongondow Masa In Tanaa

¹⁰ Guman i Yakub, “Donaai! Aka akuoi ain nokouḻí kon tabimu, yo tarimadon in sosumbaku tanaa. Aka kon inakó, nokoontong kon pogot in guya-guyang naonda bo nokoontong kon pogot i Allah, sin Iko noibogdon notarima kon inakó takin tabi moḷoben.

KINOBAḺIAN 33:10 Iomraidhean Croise

KINOBAḺIAN 19:19

Totuubí kon ki Tuang aindon totok notuḷung kon inakó bo noposaḷamat kon nyawaku. Táe buḷud tatua totuu moyayú; moondok in akuoi, dika-dikabo kobatukan in bodito tatua in akuoi bo matoi kon dodai in diápa moyaput in tampat tatua.

KINOBAḺIAN 32:30

Onda intua ki Yakub noguman, “Akuoi ain noyodungkuḷ noyopogotmai i Allah, bo akuoi nobiagpa.” Tuamai tampat tatua sinangoiannea Pniel.

KINOBAḺIAN 33:11

Poigumonku, tarimadon in sosumba inta diniaku tanaa. Ki Allah ain notabi kon inakó bo ain nobogoi in bayongan yagi-yagi inta paraḷuku.” Ki Yakub umuran nodondouḷug kon i Esau, nodapot in aher mako sinarimaneadon.

KINOBAḺIAN 33:9

Táe ki Esau in noguman, “Tugat bidon in kapunyaanku uḻeku, diáka bidon iko mobogoi in tombuinag kon inakó.”

KINOBAḺIAN 43:3

Dá ki Yohuda in noguman kon inia, “Ki Gubernur mesir ain nobogoi in tompoingat kon kami in diábí motaau bui mamangoi in tayowonnea aka kami in diá modia mangoi kon i ai-ai nami tatua.

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

KINOBAḺIAN 50:4

Naonda in nopaḷut in wakutu pinonogumatoian, nogumandon in ki Yusup kon pogawai mita i datu, “Poyaputdon in koyow tanaa kon i datu,

SAMUEL 2 14:24

Táe diábí inogoi i datu in ki Absalom mogutun kon komaḻig. “Doíbí in akuoi moindoi kon inia,” guman i datu. Dá ki Absalom in baḷúdon nobui kon baḷoinea tontaní, bo diádon minayá in tayowon i datu.

SAMUEL 2 14:28

Doyowadon notaong in ki Absalom in nogutun kon Yerusalem, táe diápa doman in sia noyodungkuḷ i datu.

SAMUEL 2 14:32

Tubag i Absalom, “Popisí in doí in iko mamangoi wakutu in pinoki oiníku. Akuoi in moibog mopotabá kon inimu mayá kon tayowon i datu bo mopotaau in tosingogonku tanaa, ‘Onubí in mangaḻenea akuoi in nonaḷámai kon Gesur bo nobui mangoi kon naa? Maníka nogutundon in akuoi kon tua.’ ” Bo guman doman i Absalom bui, “Ḷongasidon sinbá motaau in akuoi mayá kon tayowon i datu, bo aka akuoi tantúpa doman inanggap kotaḷá, yo mosadiabí in akuoi hukumon matoi.”

SAMUEL 2 3:13

Ki Daud in notubag, “Mopia! Poyaputdon in habar tanaa kon i Abner: Moibogbí in akuoi momia kon dodandian takinmu, tongá takin sarat tobatú: ki Mikhal, adí bobay i Saul, musti diaanmu mangoi kon inakó aka mamangoi in iko kon inakó.”

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

MAZMUR 41:11

Kotabipa kaasí in akuoi, o Tuhan, undamaipa in akuoi, sinbá akuoi motaau motuḻí kon aid moraat in saturuku mita.

YEREMIA 31:2

Kon padang gurun Akuoi ain noponiata in tabi-Ku kon i monia inta ain noiḷagui kon popatoi. Kon dodai in umat in Israel notayak kon koodoman,

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

WAHYU 22:4

Mosia in mokoontong kon pogot-Nea, bo tangoi-Nea in paisondon kon pogot monia.

RUT 2:10

Nokodongogmai kon natua, sinumungkud in ki Rut kon tayowon i Boas bo noguman, “Amá, akuoi naa in diábí patus in motarima kon aid inta námai tua in kopopia nongkon i Amá. Akuoi naa in intau mokokiangoi bo diábí patus motarima kon aid mopia nongkon i Amá!”

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”