KINOBAḺIAN 32:7 - Alkitab Singog In Mongondow Masa In Tanaa

⁷ Nokodongogmai kon tua ki Yakub totokdon inagían in ondok bo ḻia-ḻiaw in gina. Bo intau mita inta noyotakinnea in sinilaineadon doyowa nokolompok, ná tua doman in dombanea, bembénea sapi bo untanea.

KINOBAḺIAN 32:7 Iomraidhean Croise

KINOBAḺIAN 32:11

Akuoi in mopoigumdon totok, posaḷamatpa in akuoi nongkon i Esau ki guya-guyangku. Akuoi in moondok dikabo sia in mamangoi monubu bo moyopú kon i nami komintan, diá doman taḻibannea in bobay bo adí mita.

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

KINOBAḺIAN 32:8

Kon bonu in raiannea, “Aka ki Esau mamangoi bo monubu kon kolompó inta muna, dá kolompó induanea oyúonpa in wakutu moḷagui moposaḷamat in awak.”

KINOBAḺIAN 33:1

Ki Yakub nokoontong kon i Esau namangoi takin intaunea opat nogatut. Tuamai sinilainea in ki adínea mita kon i Lea, kon i Rahel bo kon i buḷoinea inta bobantungnea doyowa tua.

MAZMUR 107:6

Kon bonu in susa mosia in nokuani kon i Tuhan, bo pinoḷuat-Nea in mosia kon roriga.

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

MAZMUR 61:2

Indongogaipa kaasí in kuaniku, o Allah, taridiaipa in sambayangku.

IḶUAIAN 14:10

Naonda intau Israel nokoontong kon ki datu in Mesir bo tontaranea mita nopoangoidon, mosia in totokdon inangoian ondok bo nokuanidon kon i Tuhan sin mokituḷung.

AMSAL 2:11

Komomangaḻe bo kopopandoimu tua in moḷukad kon inimu,

YESAYA 28:26

Kinotaauannea naonda in pogogaid kon tua, sin ain sinundú i Allahnea.

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

KORINTUS 2 1:4

Sia in tantú moginyopot kon gina nami kon dodai in kami kinoantugan in yoyiga, sahingga in nokosanggup doman in kami noginyopot kon gina in bayongan intau inta kinoantugan in yoyiga.

TIMOTIUS 2 3:12

Memang bayongan in intau inta moibog mosumba kon i Allah bo inta motobatú i Kristus Yesus in mustibí pogutúon.