KINOBAḺIAN 32:4 - Alkitab Singog In Mongondow Masa In Tanaa

⁴ Ki Yakub in noguman kon i monia, “Pogumandon nanaa kon i guya-guyangku ki Esau, ‘Akuoi ki Yakub, bobantungmu. Noonggotdon akuoi nogutun kon i Laban.

KINOBAḺIAN 32:4 Iomraidhean Croise

KINOBAḺIAN 23:6

“Ki Tuang horomaton totok nami saḷaku itoi inta moropot kon sigad nami, dá ḷobongdon ki buḷoi Tuang kon poḷoḷobongan inta totok in mopira inta oyúon kon inami. Komintanbí nosanang in gina nami noposadia in poḷoḷobongan tatua kon i buḷoi Tuang.”

KINOBAḺIAN 25:30

Sia in noguman kon i Yakub, “Akuoi in gogoyon totok. Ogoiaipa in berenebon topiḻik tatua.” (Tuamai sia sinangoian Edom.)

KINOBAḺIAN 27:29

Poigumon mako bangusa mita in mobaḻí bobantungmu, bo suku mita in bangusa tumungkud kon tayowonmu. Poigumon mako iko in mongawasa kon bayongan ginaḷum motoḷuadímu, bo buí i inámu in tumungkud kon tayowonmu. Poigumon mako katuḷaan in intau mita inta mogodi-godimai kon inimu bo barakatan in intau mita inta momarakat kon inimu.”

KINOBAḺIAN 27:37

Ki Ishak in notubag, “Sia ain binaḻíku ki tuangmu, bo bayongan ginaḷum motoḷuadínea binaḻíkudon bobantungnea. Akuoi ain nobogoi kon inia in gandum bo anggur. Tanaa diá bidon onu bo onu in motaauku aidan kon inimu, Uḻe!”

KINOBAḺIAN 31:41

Ná domai tua in rorigaku tungkuḷ in akuoi nogaid kon inimu doyowa nopuḷú notaong koonggotnea. Mopuḷú bo opat notaong koonggotnea akuoi nogaid kon inimu sinbá motaau mobuḷoi kon i adímu doyowa tatua – bo onompa doman notaong bui sinbá mokouḻí kon paanan bembé bo domba tatua. Bo solama intua iko ain kopuḷú nomaḷui kon tondan in pinogaidanku.

KINOBAḺIAN 32:18

Dá tubagaidon nanaa, ‘Bobantungmu ki Yakub in kitogi. Sia nokidia in naa mobaḻí sosumbanea kon i Esau, ki tuangnea. Bobantungmu tontaní ki Yakub niondon tayo-tayow mangoi kon tumi nami.’ ”

KINOBAḺIAN 32:5

Tanaa akuoi ain nokouḻí kon sapi keledai, domba, bembé bo bobantung mita. Akuoi mopoyaput in habar kon i tuangku, takin moharap mako kotabimupa in akuoi.’ ”

KINOBAḺIAN 33:14

Unadon, akuoi in mayá doman dumuduianmai umpaka ḷumaḷoyanmai podudui in ḷampang in bobiagon mita tanaa, bo podudui doman in ḷampang i adíku mita modapot in akuoi moyaput kon i tuangku kon Edom.”

KINOBAḺIAN 33:8

Ki Esau noḻibó, “Onu in makusudmu takin rombongan mita inta noyodungkuḷku koina?” Ki Yakub in notubag, “Moposanang kon gina in Guya-guyang.”

KINOBAḺIAN 36:8

Dá ki Esau inta dinonoi doman ki Edom, nogutundon notantú kon buḷud in Seir.

KINOBAḺIAN 36:9

Naa in buí i Esau, mogoguyang intau in Edom.

KINOBAḺIAN 4:7

Aka iko mogaid kon inta mopia, yo pasti pogotmu in diábí morongut mako; táe aka iko mogaid kon inta moraat, dá dosa in dongka mogoḷat mako sin tumuot kon ginamu. Dosa in moibog mongawasa kon inimu, táe musti ḷawangonmu in sia.”

DATU MITA IMITÁNEA 20:32

Dá nomakédon in mosia in sosapi bo tontogot kon sigogow monia, bo minayá kon tayowon i Datu Ahab poḷat noguman, “Ki Benhadad in ata i Tuang datu. Sia in nopoigum sinbá ki Tuang datu in diá moḻimod kon inia.” Ki Ahab in notubag, “Nobiagpa degá in sia, ki utatku tua?”

IḶUAIAN 32:22

Tubag i Harun, “Dikapa tumorú kon inakó; kinotaauanmudon tontaní naonda in kinobobarani intau mita tanaa momia kon inta moraat.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

AMSAL 25:15

Aid mosabar takin tosingogon mita inta moḷukó in mokoyakinbí kon intau inta nongawasa, bo mokorimumud kon bayongan inta moḷawang.

AMSAL 6:3

Aka totuu natua, adíku, iko ain noibonu kon kawasa in intau tatua. Táe nanaa sinbá iko moiḷuatdon kon tua: koḷamemetdon bayá kon intau tatua; poigumdon totok kon inia sinbá moibog in sia mopoḷuat kon inimu.

MOHOHUTUBA 10:4

Aka iko bo torúan in pongawasa, dikabí mopoigum kon mogogai in mogaid. Umpakabí moḷoben in taḷámu, ampunganbí in iko aka moonow bo mosabar.

YESAYA 21:11

Naa in koyow kon Edom. Oyúon in intau in momaḷú kon i-Nakó nongkon Edom, “Ei, moḷoḷukad, moonggotpa degá in doḷom tanaa? Tongonupa nojam bo mobayag?”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

PETRUS 1 3:6

Natuabí doman in ki Sara. Sia in motoindudui totok kon i Abraham ki buḷoinea, bo sinangoinea doman ki tuangnea. Moiko nion ki adíbí mita i Sara, aka umuran mogaid kon mopia bo diá doman moondok kon yagi-yagi.

HAKIM MITA 5:4

Kon tungkuḷ in pinotabá-Mudon minayá nongkon Seir, o Tuhan, bo butá in Edom sinaḷáan-Mu, butá in noḷundan, daḷan mita in tubig kon ḷangit nongo bukat domandon, bo goḷom mita in nopobutakdon in tubignea.

SAMUEL 1 26:17

Kinotaauan i Saul in singog i Daud bo noguman in sia, “Daud, iko degá in nion, Adíku?” Tubag i Daud, “Oo, Tuang datu.”