KINOBAḺIAN 32:32 - Alkitab Singog In Mongondow Masa In Tanaa

³² Nodapot in masai naa buí in Israel diá mokaan kon tapú inta moikoḷob kon tuḷan in kayang biag, sin ki Yakub ain pinangká kon kayangnea.

KINOBAḺIAN 32:32 Iomraidhean Croise

KINOBAḺIAN 32:25

Naonda in kinorasaanmai intau tatua kon sia in diábí mountung kon pinorodomokan tatua, dá pinangkánea in ki Yakub kon kayangnea, nodapot in kayangnea tatua noyoḷogit.

KINOBAḺIAN 32:31

Kon dodai mata in singgai nomukádon, ki Yakub nonaḷámaidon kon Pniel, bo bobayánea in nododengkódon sin kayangnea in noyoḷogit.

KINOBAḺIAN 33:1

Ki Yakub nokoontong kon i Esau namangoi takin intaunea opat nogatut. Tuamai sinilainea in ki adínea mita kon i Lea, kon i Rahel bo kon i buḷoinea inta bobantungnea doyowa tua.

DATU MITA IMITÁNEA 12:25

Naonda in nobaḻí datu in Israel, ki Yerobeam noginropotdon kon kotá in Sikhem kon butá in buḷud in Epraim, bo nogutun kon tua notoyong. Onda intua minayá bui in sia nongkon tua bo noginropot kon kotá in Pnuel.

HAKIM MITA 8:8

Onda intua ki Gideon nongingguputdon kon bobayáan bo nodapot kon Pnuel. Kon tua in sia noigum doman kon kaanon sin ogoi kon intaunea mita. Táe tubag in intau in Pnuel ná doman tubag in intau in Sukot.

SAMUEL 1 5:5

Tuamai, nodapot in singgai naa imang mita in dewa Dagon bo bayongan intau inta morosumba kon dewa tatua kon Asdod ḷumampang kon muna in ḷoḻingkop in kuil Dagon tatua bo diá rimitak.)