KINOBAḺIAN 32:3 - Alkitab Singog In Mongondow Masa In Tanaa

³ Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

KINOBAḺIAN 32:3 Iomraidhean Croise

KINOBAḺIAN 14:6

bo intau in Hori kon buḷud in Edom, bo inaḷowan monia nodapot in El-Paran kon bingkí in padang gurun.

KINOBAḺIAN 25:30

Sia in noguman kon i Yakub, “Akuoi in gogoyon totok. Ogoiaipa in berenebon topiḻik tatua.” (Tuamai sia sinangoian Edom.)

KINOBAḺIAN 32:11

Akuoi in mopoigumdon totok, posaḷamatpa in akuoi nongkon i Esau ki guya-guyangku. Akuoi in moondok dikabo sia in mamangoi monubu bo moyopú kon i nami komintan, diá doman taḻibannea in bobay bo adí mita.

KINOBAḺIAN 32:7

Nokodongogmai kon tua ki Yakub totokdon inagían in ondok bo ḻia-ḻiaw in gina. Bo intau mita inta noyotakinnea in sinilaineadon doyowa nokolompok, ná tua doman in dombanea, bembénea sapi bo untanea.

KINOBAḺIAN 33:14

Unadon, akuoi in mayá doman dumuduianmai umpaka ḷumaḷoyanmai podudui in ḷampang in bobiagon mita tanaa, bo podudui doman in ḷampang i adíku mita modapot in akuoi moyaput kon i tuangku kon Edom.”

KINOBAḺIAN 33:16

Dá nobuidon in ki Esau kon singgai doman tatua, sia nobui kon Edom.

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

DATU MITA 2 6:17

Bo ki Elisa in nosambayang, “Tuhan, igumon mako bukatanmu in mata in bobantungku sinbá mokoontong in sia!” Dinuduian i Tuhan in sambayang i Elisa dá naonda in bobantungnea tatua nobobui, inontongnea in buḷud tatua nopuḻing in kabaḷo bo kereta takin tuḷú noḻibu noḷukad kon i Elisa.

TAWARIKH 1 12:23

Kon dodai in ki Daud kon Hebron nobayong in pojuang inta ain nobiasa noparang in dinumugang kon inia. Mosia in noduḷu kon inia sinbá mobaḻí datu in sia momaḷui kon i Saul, podudui in dandi i Tuhan. Naa in kobayong monia: Nongkon suku in Yohuda: 6.800 in intau, notouḷut takin kaḻeaw bo pandong. Nongkon suku Simeon: 7.100 in intau mita inta notalati. Nongkon suku Lewi: 4.600 in intau. Intau mita i Yoyada inta itoi in buí i Harun: 3.700 in intau. Ginaḷum motoḷuadí i Zadok, pojuang mobagupa inta mobarani: 22 in intau – komintan tongguḷu in motoḷuadí. Nongkon suku Benyamin (suku i Datu Saul): 3.000 in intau; mobayo-bayong in nongkon suku Benyamin in tantúbí mosatia kon i Saul. Nongkon suku Epraim: 20.800 in intau inta ponango-nangoian kon bonu in batúan inanakannea. Nongkon suku Manasye inta kon dotá in toyopan kon Ongkag in Yordan: 18.000 in intau inta sinundú moduí kon i Daud mobaḻí datu. Nongkon suku Isakhar: 200 in itoi takin intau mita monia: itoi mita tanaa in mongopandoi monantú kon onu in musti aidan in rayat in Israel kon wakutunea. Nongkon suku Zebulon: 50.000 in intau inta mongopandoi mopomaké in noyagi-yagimai in pakakat in parang, bo mosadiadon moparang; mosia tua in intau mita inta mosatia bo inta motaau pirisayaan totok. Nongkon suku Naptali: 1.000 in itoi takin 37.000 in tontara inta notouḷut takin kaḻeaw bo pandong. Nongkon suku Dan: 28.600 in intau inta notalati. Nongkon suku Asyer: 40.000 in intau inta nosadiadon moparang. Nongkon suku mita kon dotá in pomukaan kon Yordan, inta suku Ruben, Gad bo tongosilai in suku Manasye: 120.000 in intau inta mopandoi mopomaké in bayongan pakakat in parang.

DONDONG MOḶANTUD 7:1

O, mongodeaga inta motaingkat, mopia totok in sioḷmu momaké in silop tatua. Pongongawakmu naonda bo ḷambá, pinomia in intau mongongurig.

YESAYA 21:11

Naa in koyow kon Edom. Oyúon in intau in momaḷú kon i-Nakó nongkon Edom, “Ei, moḷoḷukad, moonggotpa degá in doḷom tanaa? Tongonupa nojam bo mobayag?”

YEREMIA 49:7

Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

PINOGIAPAN 24:18

Butá in Edom in ḻitúanbí in musungnea, táe Israel momia kon oaidan inta moroton.

LUKAS 9:52

Dá Sia in nopotabá kon intau inumuna kon i-Nia. Mosia in minayá bo sinumuot kon ḻipú intau in Samaria. Makusud monia tua in moposadia kon onu inta paraḷuon i Yesus.

ULANGAN 1:2

Nongkon Buḷud in Sinai nodapot in Kades-Barnea noitaḻib in butá inta kon buḷud in Edom, mopuḷú bomitá nosinggai in bayáan.)

ULANGAN 2:22

Natua doman in pinomia i Tuhan kon intau in Edom, buí i Esau, inta nogutun kon buḷud in Edom. Iyopú i Tuhan intau in Hori, dá intau in Edom nogagow kon butá tatua bo poḷat iḻitúan, bo nogutundon notantú kon tua nodapot in masai naa.

ULANGAN 2:5

táe diábí motaau in moiko in monubu kon i monia, sin butá monia tua in diá topiḻikmai in ogoi-Ku kon inimu, sin butá in Edom inogoi-Kudon kon buí i Esau.

YOSUA 13:30

Sigad mita in butá monia nodapot kon Mahanaim, noituot doman in bayongan in Basan – tuata in bayongan butá inta kinawasa i Og, datu in Basan, bo ḻipú mita in Yair kon Basan inta onom nopuḷú.

YOSUA 24:4

bo ki Ishak inogoian-Ku in adí doyowa, ki Yakub bo ki Esau. Buḷud in Edom in inogoi-Ku kon i Esau nobaḻí kapunyaannea, táe ki Yakub, mogoguyang monimu tua, in nomamping kon Mesir, noyotakin i adínea mita.