KINOBAḺIAN 32:26 - Alkitab Singog In Mongondow Masa In Tanaa

²⁶ Bo intau tatua in noguman, “Pomayádon mako akuoi mayá, sin mobayagdon in naa.” Ki Yakub in notubag, “Diábí pomayáku mako in ki Tuang tongá mayá mako natua, koḻikudbí in aka ki Tuang momarakatdon kon inakó.”

KINOBAḺIAN 32:26 Iomraidhean Croise

KINOBAḺIAN 32:25

Naonda in kinorasaanmai intau tatua kon sia in diábí mountung kon pinorodomokan tatua, dá pinangkánea in ki Yakub kon kayangnea, nodapot in kayangnea tatua noyoḷogit.

KINOBAḺIAN 32:27

“Ki ine in tangoimu?” intau tatua noḻibó. “Ki Yakub,” tubagnea.

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

MAZMUR 67:1

Kon i itoi in mododondong. Takin ito-itog kecapi. Mazmur.

IḶUAIAN 32:10

Donaai monungkuḷ moḷamboi kon i-Nakó. Tumorú in Akuoi kon i monia bo yopúon-Ku in mosia. Táe iko takin buímu in baḻíon-Ku bangusa moḷoben tobatú.”

DONDONG MOḶANTUD 3:4

Bagupa sinaḷáanku in mosia, noyodungkuḷkudon in batoḷ in dodobku. Kinadaianku in sia, bo diádon inukatanku nodapot in diniaku kon baḷoi i ináku, kon gopot in intau inta nopononggadí kon inakó.

DONDONG MOḶANTUD 7:5

Uḷumu naonda bo Buḷud in Karmel; buokmu inta sinuḷapid naonda bo aḻibobag, mokosanang in moindoi umpaka datu.

YESAYA 45:11

Ki Tuhan, Allah mokudus in Israel noguman, “Poḻibódon kon i-Nakó in soaḷ kobiagan moiduduimai. Táe dika moḻibó soaḷ adí-Ku mita, andeka mokiaid in onuka kon i-Nakó.

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

HOSEA 12:4

Pinangkoipa kon bonu in bobuḷadían, ki Yakub mogoguyang monia ain nonisí kon i Esau ki utatnea apang; bo naonda in noitoidon, ki Yakub noridomok i Allah.

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

ULANGAN 9:14

Dika monungkuḷ moḷamboi kon i-Nakó. Yopúon-Kudon in mosia modapot in mosia diádon kotoropan bui. Táe iko in baḻíon-Kudon amá in tobatú bangusa inta moḷobe-ḷoben bo moropo-ropot nongkon i monia.’

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.