KINOBAḺIAN 32:22 - Alkitab Singog In Mongondow Masa In Tanaa

²² Kon doḷom doman tua ki Yakub nobangon bo nodia kon i buḷoinea doyowa, bo kon buḷoinea doyowa inta bobantung bo ki adínea mopuḷú bomitá, iḷumoḷan kon Ongkag in Yabok.

KINOBAḺIAN 32:22 Iomraidhean Croise

KINOBAḺIAN 29:21

Nopaḷut mako intua ki Yakub in noguman kon i Laban, “Pitu notaong noitaḻibdon; dá ogoidon in akuoi motonibuḷoi takin i adímu.”

KINOBAḺIAN 32:21

Dá tuamai sia in nokidiadon muna in sosumba tatua, yo sia tontaní nosiugpa in doḷom tua kon ḷoḷaigan.

KINOBAḺIAN 32:23

Naonda in nopoḷoḷan mako kon i monia, sia nobui bo nokidia in bayongan kapunyaannea kon ḷoḷan mako.

KINOBAḺIAN 35:18

Táe ki Rahel diádon moonggot in matoi, bo naonda in sia mopobuitdon in tompot pangabisannea, sinangoiannea in adí tatua Ben-Oni táe ki amánea nonangoi kon inia ki Benyamin.

ULANGAN 2:37

Táe kita in diábí dinimiug kon butá in intau Amon ande kon bingkí Ongkag in Yabok ande kotá mita kon buḷud ande kon tampat ibanea kon ondaka inta diá inogoi i Tuhan Allah naton.”

ULANGAN 3:16

Bo suku mita in Ruben bo Gad inogoianku in butá inta kon sigad in Gilead bo Ongkag in Arnon. Yuak in ongkag tatua nobaḻí sigad monia kon dotá in toḷatan, aka kon dotá in utuan mosia noyosigad in Ongkag in Yabok, inta tongosilainea nobaḻí sigad in butá intau in Amon.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

YOSUA 12:2

Tobatú in tangoinea in ki Sihon, datu in Amori inta noiḻitú kon Hesybon. Butá inta kon bonu in kawasanea in tongobotak in butá in Gilead; inta nongkon Aroër (kon bingkí in Ḷopá in Arnon) bo kotá inta kon yua-yuak in ḷopá tatua nodapot in kinoouput in Ongkag in Yabok inta kon pinosigadan in butá in bangusa Amon;

HAKIM MITA 11:13

Ki datu in Amon notubag kon totabá mita tatua, “Naonda in umat in Israel namangoi nongkon Mesir, mosia in nogamá kon butá nami, pinangkoi kon Ongkag in Arnon nodapot kon Ongkag in Yabok bo Ongkag in Yordan. Yo tanaa in pobuidon intua takin dame.”