KINOBAḺIAN 32:21 - Alkitab Singog In Mongondow Masa In Tanaa

²¹ Dá tuamai sia in nokidiadon muna in sosumba tatua, yo sia tontaní nosiugpa in doḷom tua kon ḷoḷaigan.

KINOBAḺIAN 32:21 Iomraidhean Croise

KINOBAḺIAN 32:22

Kon doḷom doman tua ki Yakub nobangon bo nodia kon i buḷoinea doyowa, bo kon buḷoinea doyowa inta bobantung bo ki adínea mopuḷú bomitá, iḷumoḷan kon Ongkag in Yabok.

KINOBAḺIAN 33:11

Poigumonku, tarimadon in sosumba inta diniaku tanaa. Ki Allah ain notabi kon inakó bo ain nobogoi in bayongan yagi-yagi inta paraḷuku.” Ki Yakub umuran nodondouḷug kon i Esau, nodapot in aher mako sinarimaneadon.

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

AMSAL 17:8

Oyúon in morai kon doit sogó in mokopoangoibí kon inta mokoherang; pongin doit sogó yagi-yagi in koaidanbí.

YOSUA 8:9

Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.

SAMUEL 1 25:19

Bo noguman in sia kon bobantungnea mita, “Moiko in mayá umuna kon inakó; akuoi in dumuduianmai kon inimu.” Táe sia in diábí noguman kon onu bo onu kon i buḷoinea ḷoḷaki.