KINOBAḺIAN 32:2 - Alkitab Singog In Mongondow Masa In Tanaa

² Naonda in ki Yakub nokoontong kon i monia, sia in noguman, “Naa ḷoḷaigan i Allah,” tuamai sinangoiannea in tampat tatua Mahanaim.

KINOBAḺIAN 32:2 Iomraidhean Croise

SAMUEL 2 17:24

Ki Daud ain nodapot kon kotá in Mahanaim kon wakutu in ki Absalom iḷumoḷan kon Ongkag in Yordan, sinakinan in intau mita in Israel. (

SAMUEL 2 2:12

Kon singgai tobatú minayá in ki Abner nongkon Mahanaim nopobayá in kotá in Gibeon, sinakinan in intau i Isyboset.

SAMUEL 2 2:8

Itoi in tontara i Saul, inta ki Abner adí i Ner, ain noḷagui noyotakin i Isyboset ki adí i Saul, noḷagui minayá in Mahanaim kon ḷoḷan in Ongkag in Yordan.

DATU MITA IMITÁNEA 2:8

Soaḷ ki Simei adí i Gera nongkon kotá in Bahurim kon butá in Benyamin, oyúon doman in koyowku kon inimu. Kon binayáanku kon Mahanaim, ki Simei tua in koḻipod nogodi-godimai kon inakó totok in moraat. Táe kon singgai noiduduimai, kon dodai in sia namangoi nonontomu kon inakó kon Ongkag in Yordan, akuoi in nongibotdon kon inia pinodoyon kon i Tuhan kon diábí in akuoi moḻimod kon inia.

DATU MITA 2 6:17

Bo ki Elisa in nosambayang, “Tuhan, igumon mako bukatanmu in mata in bobantungku sinbá mokoontong in sia!” Dinuduian i Tuhan in sambayang i Elisa dá naonda in bobantungnea tatua nobobui, inontongnea in buḷud tatua nopuḻing in kabaḷo bo kereta takin tuḷú noḻibu noḷukad kon i Elisa.

TAWARIKH 1 12:22

Gogió bo muḷoi in singgai oyúon in intau mobagu inta dumugang kon i Daud, dá diádon noonggot kon tua bo tontara i Daud in nobaḻídon nobayong totok.

MAZMUR 103:21

Dayowdon in ki Tuhan, ei bayongan in mahaḷuk kon soroga, bayongan in mogogundoi-Nea inta nogaid kon kinoibog-Nea.

MAZMUR 148:2

Dayowdon in Sia, ei bayongan in malaekat-Nea, dayowdon in Sia, ei bayongan in tontara in soroga!

MAZMUR 24:10

Ki ine in ki Datu inta momulia? Ki Tuhan Inta Totok in Mokawasa, Siata in datu inta momulia!

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

DONDONG MOḶANTUD 6:13

Potayokdon, ei mongodeaga in Sulam, tantúdon poḻibu, sinbá mokosanang kon inami. Nongonu sin moiko in moibogbí moindoi kon inakó, bokaka akuoi in notayok kon yua-yuak in pipidan intau moantó inta namangoi noindoi?

DANIEL 10:20

Bo sia in notubag, “Kinotaauanmu degá mongo nongonu sin namangoi in akuoi kon inimu? Makusudnea in moguman kon inimu onu inta pinais kon bonu in Buk Kobobanar. Tanaa akuoi in musti mobui sin moparang monayow kon malaekat moḷoḷukad Persia. Nopaḷut mako kon tua malaekat moḷoḷukad kon Yunani in mamangoi. Diábí in motuḷung kon inakó koḻikudbí in ki Mikhael, malaekat moḷoḷukad in Israel, negaramu.

LUKAS 2:13

Bo daḻídon malaekat tatua sinakinan in malaekat inta nobarong ibanea, inta nodayow kon i Allah, kai monia,

YOSUA 5:14

“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.” Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”