KINOBAḺIAN 32:11 - Alkitab Singog In Mongondow Masa In Tanaa

¹¹ Akuoi in mopoigumdon totok, posaḷamatpa in akuoi nongkon i Esau ki guya-guyangku. Akuoi in moondok dikabo sia in mamangoi monubu bo moyopú kon i nami komintan, diá doman taḻibannea in bobay bo adí mita.

KINOBAḺIAN 32:11 Iomraidhean Croise

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 27:42

Naonda in dinongog i Ribka in niat i Esau tatua, inoinínea in ki Yakub bo pinoguman, “Indongogaipa, ki guya-guyangmu ki Esau moniat motuḻí bo moḻimod kon inimu.

KINOBAḺIAN 32:3

Nopaḷut mako kon tua ki Yakub nopotabá kon tongonumai in totabá minayá inumuna kon inia minayá in butá Edom sin mokipodungkuḷ kon i Esau, ki guya-guyangnea.

KINOBAḺIAN 32:7

Nokodongogmai kon tua ki Yakub totokdon inagían in ondok bo ḻia-ḻiaw in gina. Bo intau mita inta noyotakinnea in sinilaineadon doyowa nokolompok, ná tua doman in dombanea, bembénea sapi bo untanea.

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

SAMUEL 2 7:18

Bo sinumuotdon in ki Datu Daud kon bonu in ḷoḷaigan i Tuhan. Iḻimitú in sia bo nosambayang, “O Tuhan Inta Totok in Moḷantud, akuoi takin motoḷuadíku in diábí patus motarima kon kopiaan inta pinoontong-Mu kon inakó naa in kino oonggot.

MAZMUR 119:134

Poḷuatdon in akuoi nongkon intau mita inta mondorot kon inakó, sinbá akuoi in mokotoinduduidon kon atorang-Mu.

MAZMUR 142:6

Akuoi in nokuani kon ini-Mu, o Tuhan, Ikobí in pogogadopanku, Tongábí Iko in paraḷuku kon kobiagan tanaa.

MAZMUR 16:1

Mazmur i Daud, Ḷukadaidon in akuoi, o Allah, sin kon ini-Mubí in poniunganku.

MAZMUR 25:20

Ḷukadaidon bo posaḷamatpa in akuoi, sinbá diá mooyá in akuoi, sin akuoi in noniung kon ini-Mu.

MAZMUR 31:2

Akuoi in mokioḻingoi kon ini-Mu o Tuhan, dika pomayá mako in akuoi pokudaion. Posaḷamatdon in akuoi podoyon kon kooadil-Mu

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

AMSAL 18:19

Mogampa-gampangbí in dimiug kon kotá inta dininding kinorigon dika in dimiug kon utat inta ain pinosaki in ginanea; Rogenggengan naonda bonoboi in bonawang in kotá inta oyúon in dindingnea.

DANIEL 3:17

Aka ki Allah inta sinumba nami mokoposaḷamat kon inami nongkon tuḷú inta kodoko-dokot tatua bo nongkon kawasa i Tuangku, yo notantúbí kon aidan-Nea intua.

HOSEA 10:14

dá rayatmu in dapangon in parang, bo bayongan in dindingmu in rimumudon. Kaadaannea in naonda bo kon singgai ki Datu Salman noyompat kon kotá in Bet-Arbel kon pinoparangan, bo noḻintog kon guyanga mita bobay takin ki adí mita monia.

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

ULANGAN 22:6

Aka moiko mokouḻí kon pugad tobatú kon pangkoi in kayu ande kon butá takin ki iná in ḷagapan nogoob mako kon natunea ande noyotakin i adínea mita, yo dikabí mogamá kon ki iná in ḷagapan tatua.

SAMUEL 1 12:10

Onda intua mosia nosambayang kon i Tuhan nongaku kon dosa monia; guman monia, ‘Kami aindon binaradosa sin nonoḻikudon kon ini-Mu, oo Tuhan, bo nosumba kon patong mita i Dewa Baal bo i Asytoret. Táe, tanaa in posaḷamatdon in kami nongkon musung nami, dá kami in mogundoidon kon ini-Mu!’

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.