KINOBAḺIAN 31:10 - Alkitab Singog In Mongondow Masa In Tanaa

¹⁰ Bo kon sempo in biag mita tatua mobuḷoi, akuoi tumogoindop mokoontong kon bayongan bembé inta nobuḷoi tua in batangannea nongo goḷong-goḷong, notudi-tudik bo nobaḷang.

KINOBAḺIAN 31:10 Iomraidhean Croise

KINOBAḺIAN 20:6

Dá ki Allah in notubag kon bonu in togoindop tatua, “Totuu, kinotaauan-Kubí kon soaḷ tatua in inaidanmubí takin gina modarit. Tuamai Akuoi in nogimaḷowdon kon inimu bá diá momia kon dosa kon i-Nakó, bo diábí pomayá-Ku mako iko in moḻiai kon bobay tatua.

KINOBAḺIAN 28:12

Onda intua sia sinumogoindop kon sia in nokoontong kon tukad tobatú inta nongkon butá dapot in ḷangit bo malaekat mita moponik moponag kon tukad tatua.

KINOBAḺIAN 30:39

Dá aka bembé mita tatua mobuḷoi kon tayowon in tanga mita tatua, yo ki adínea in mogoḷong-goḷong ande nobaḷang ande motudi-tudik.

KINOBAḺIAN 31:11

Bo malaekat i Allah noguman kon inakó kon bonu in togoindop tatua: ‘Yakub!’ Tubagku, ‘Ya Tuhan!’

KINOBAḺIAN 31:12

Malaekat tatua noguman bui, ‘Indoiai, komintan bembé koḷakian inta koyogot mobuḷoi tatua batangannea noloreng, notudi-tudik bo nobaḷang. Sinuod-Kubí inaidan intua kon inimu sin ain inontongku in bayongan inta inaidan i Laban kon inimu.

KINOBAḺIAN 31:24

Kon tungkuḷ in doḷom ki Allah namangoi kon i Laban kon bonu in togoindopnea, bo noguman, “Pokoingat dika mokoimontanmai iko mopogogondok kon i Yakub takin tosingogon tongáka totontagá.”

KINOBAḺIAN 31:9

Natuata in aid i Allah nogamá kon paanan biag kapunyaan i amámu bodongka ogoi-Nea kon inakó.

KINOBAḺIAN 37:5

Kon doḷom tobatú ki Yusup sinumogoindop, bo naonda inoumannea kon i guya-guyangnea in togoindopnea tatua, nodugangdon noyaat in gina monia kon inia.

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

ULANGAN 13:1

Aka nabi tobatú ande intau totumogoindop mopodandi in mujizat ande inta mokoherang