KINOBAḺIAN 30:43 - Alkitab Singog In Mongondow Masa In Tanaa

⁴³ Tua in pinomia i Yakub bo sia nobaḻí nobiag nooyúon totok. Sia kopaanan bembé domba, unta, keledai bo bobantung mita.

KINOBAḺIAN 30:43 Iomraidhean Croise

KINOBAḺIAN 12:16

Pinopisí in ki Sarai, dá ki Abram in sinomu nopia totok i datu poḷat inogoian in bobantung mita, takin paanan in domba, bembé, sapi, keledai bo unta.

KINOBAḺIAN 13:2

Ki Abram in nobiag nooyúon totok; kon inia noantó in domba, bembé, sapi, saḷaka bo buḷawan.

KINOBAḺIAN 24:35

Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

KINOBAḺIAN 28:15

Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

KINOBAḺIAN 30:30

Kon tungkuḷ in akuoi diápa namangoi, kapunyaanmu diápa naonda, táe tanaa iko in totokdon in nooyúon. Ki Tuhan ain nomarakat kon inimu sin popisí in akuoi. Tanaa wakutuneadon akuoi mogaid sin pomiagku kon buḷoi bo adíku tontaní”.

KINOBAḺIAN 30:42

Táe tanga mita tatua diábí poukatnea kon tayowon in biag mita inta noḻemé. Dá, bayongan mahaḷuk inta nobudó tua moyangkó, bo tuadon in kapunyaan i Laban, sedang komintan biag inta norondí, nobaḷang bo notudi-tudik tua moropot, bo tuata in kapunyaan i Yakub.

KINOBAḺIAN 31:1

Ki Yakub nokodongog kon ki adí mita i Laban nosingog nanaa, “Ki Yakub ain nogamá kon bayongan kapunyaan i amá naton. Bayongan kapunyaannea komintan nongkon kapunyaan i amá naton.”

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

KINOBAḺIAN 32:5

Tanaa akuoi ain nokouḻí kon sapi keledai, domba, bembé bo bobantung mita. Akuoi mopoyaput in habar kon i tuangku, takin moharap mako kotabimupa in akuoi.’ ”

KINOBAḺIAN 33:11

Poigumonku, tarimadon in sosumba inta diniaku tanaa. Ki Allah ain notabi kon inakó bo ain nobogoi in bayongan yagi-yagi inta paraḷuku.” Ki Yakub umuran nodondouḷug kon i Esau, nodapot in aher mako sinarimaneadon.

KINOBAḺIAN 36:7

Ki Esau in sinumontanídon kon i Yakub sin kapunyaan monia noiḻiudon antó dapot in mosia diádon motaau mogutun moyotakin. Apa doman butá inta iḻitúan monia tua in diá tugat popokaanan in bobiagon monia inta moantó totok tua.

MOHOHUTUBA 2:7

Nobayong in ataku, pinomayá inta sinaḷuiku, andeka inta pinononggadí kon baḷoiku. Bobiagonku in mobaro-barong nongkon bobiagon i inekadon inta nokoimontan nogutun kon Yerusalem.

YEHEZKIEL 39:10

Dá diá bidon in mosia paraḷu motayak kon kayu pondungú kon gobá andeka momupuḷpa kon kayu kon kayuon, sin pakakat mita in parang inta sinaḷáan tua in tugatbí pakéon pondungú. Mosia in mogagowbí poḷat modia kon kapunyaan in intau inta ain nogagow bo nodia kon kapunyaan monia. Akuoi, ki Tuhan Inta Totok in moḷantud ain nosingog.”

LUKAS 12:45

Tongá aka bobantung tatua bo moraat bo mosingog doman kon bonu in gina nanaa, ‘Ki tuangku in diápabí moiangoi,’ bo nomangkoi in sia momongkug kon bobantung mita ibanea ḷoḷaki-bobay bodongka mayá mongaan bo monginum dapot moḷoḷangu,