KINOBAḺIAN 30:35 - Alkitab Singog In Mongondow Masa In Tanaa

³⁵ Táe kon singgai tua ki Laban nopotondídon in bayongan bembé koḷakian inta nogoḷong-goḷong ande baḷam-baḷang bo bayongan bembé kobaayan inta nobaḷam-baḷang, notudi-tudik, ande inta oyúon in tontudik nobudónea; sia nopotondí doman in bayongan domba inta norondí. Onda intua pinotabáneadon in ki adínea mita pinoki biagan in bobiagon mita tatua,

KINOBAḺIAN 30:35 Iomraidhean Croise

KINOBAḺIAN 30:32

Ogoiaidon akuoi in wakutu in singgai naa modondaḷoi kon yua-yuak in bayongan paanan bembé dombamu, bo mogamá kon ki adí in domba inta norondí, bo pomuḷoi doman bembé inta batáneapa inta baḷam-baḷang ande inta notudi-tudik. Tongábí tua tondan in pinogaidanku inta kinoibogku.

KINOBAḺIAN 30:34

Ki Laban notubag, “Mobaḻí! Aidan natonda in onu inta pinoigum tatua!”

KINOBAḺIAN 30:36

bo minayádon in mosia takin bobiagon mita tatua iyumayú kon i Yakub, koyayú in binayáan monia tua in toḷu nosinggai in bayáan. Ki agat in paanan bembé domba kapunyaan i Laban iḷukadan i Yakub.

KINOBAḺIAN 31:9

Natuata in aid i Allah nogamá kon paanan biag kapunyaan i amámu bodongka ogoi-Nea kon inakó.

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.