KINOBAḺIAN 30:3 - Alkitab Singog In Mongondow Masa In Tanaa

³ Bo ki Rahel noguman, “Naa in bobantungku ki Bilha; posiugdon takinnea sinbá sia mobogoidon in adí kon inakó. Bo bá pongin inia akuoi in mokouḻídon kon buí.”

KINOBAḺIAN 30:3 Iomraidhean Croise

KINOBAḺIAN 30:9

Naonda in kinorasaanmai Lea kon sia diádon bui mokouḻí kon adí, dá inogoineadon in bobantungnea, ki Zilpa, inogoinea kon i Yakub sinbá pobuḷoionnea.

KINOBAḺIAN 46:25

Taya pitu tua in buí i Yakub kon i Bilha, bobantung bobay inta inogoi i Laban kon i Rahel ki adínea.

KINOBAḺIAN 50:23

Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

AYUB 3:12

Nongonu sin akuoi in kinokoyotanbí i ináku, poḷat pinoteténea kon teténea?

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.