KINOBAḺIAN 30:27 - Alkitab Singog In Mongondow Masa In Tanaa

²⁷ Ki Laban in noguman kon inia, “Indongogaipa muna: Kinoontongankudon kon ki Tuhan ain nomarakat kon inakó sin popisí in iko.

KINOBAḺIAN 30:27 Iomraidhean Croise

KINOBAḺIAN 12:3

Akuoi in momarakat kon intau mita inta momarakat kon inimu bo mongutuk kon intau mita inta mongutuk kon inimu. Bo popisí in iko dá Akuoi in momarakat kon bayongan in bangusa inta kon dunia naa.”

KINOBAḺIAN 18:3

sia in noguman, “Tuang mita, donaaipa tongá tumaḻib mako natua kon ḷoḷaiganku naa, táe pongandupabí; ogoiaipa in wakutu akuoi mobogoi in onuka kon i Tuang mita.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 30:30

Kon tungkuḷ in akuoi diápa namangoi, kapunyaanmu diápa naonda, táe tanaa iko in totokdon in nooyúon. Ki Tuhan ain nomarakat kon inimu sin popisí in akuoi. Tanaa wakutuneadon akuoi mogaid sin pomiagku kon buḷoi bo adíku tontaní”.

KINOBAḺIAN 33:15

Guman i Esau, “Aka natua, dá bain taḷaanku in tongonumai intau inta noyotakinku naa.” Táe ki Yakub in notubag, “Donaaidon mosusamai, akuoi in tongábí moibog moposanang gina in Guya-guyang.”

KINOBAḺIAN 34:11

Bo ki Sikhem noguman kon i amá i Dina bo kon i guya-guyangnea mita, “Duduiaidon in oigumku tanaa, dá akuoi in dumudui bidon kon onuka in kinoibog monimu.

KINOBAḺIAN 44:5

Nongonu sin moiko in nonakowbí kon piala saḷaka i tuangku? Piala tatua pakéonneamai pongonginuman bo alat pooindoian kon onu in mobaḻí kon singgai moiduduimai. Moiko nogaidon kon inta totok in moraat!’ ”

KINOBAḺIAN 47:25

Tubag monia, “Ki Tuang ain noposaḷamat kon inami dá kami mopoyaput in sukur moantó. Kami in morelabí mobaḻí bobantung i datu.”

SAMUEL 2 6:11

Poti Dodandian tatua in toḷu nobuḷan in kon tua, bo ki Tuhan in nomarakat kon i Obed-Edom takin motoḷuadínea.

DATU MITA IMITÁNEA 11:19

Dá ki Hadad in nobaḻídon yobayat mopia i datu, nodapot in ki datu nobogoidon kon i dónea tontaní, inta ki ai-ai i buḷoinea ki Tahpenes kon i Hadad sin mobaḻí ki buḷoinea.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

NEHEMIA 2:5

bodongka noguman kon i datu, “Aka mokosanang kon gina i Tuang bo moibog mobogoi kon onu inta poigumon in bobantung naa, potabádon in bobantung naa mayá in butá in Yohuda sin moposindog bui in kotá pinoḷobongan kon mogoguyang in bobantung naa.”

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

IḶUAIAN 3:21

Baḻíon-Ku intau Mesir mopia in gina kon i monimu, dá aka moiko mobuatdon, moiko in diábí mayá takin kaḷo-kaḷoi.

YESAYA 6:13

Modapot in aka kon sigad in intau mopuḷú oyúonpa in tobatú inta nogutun kon butá tatua, sia in yopúonbí doman. Táe naonda bo pangkoi in nunuk aka pupuḷon yo oyúonpa in tuodnea, natua doman oyúonpa in ki agat in bangusa tatua inta nobaḻí pomangkoian in umat inta motusi.”

YESAYA 61:9

Buímu in ponango-nangoianbí kon bayongan in tampat, kotaauan kon sigad in bangusa mita. Dá bayongan in intau inta mokoontong kon inia in mongakubí kon bangusa tanaa in binarakatan-Ku.”

YESAYA 65:8

Ki Tuhan in moguman, “Bungai in anggur inta oyúonpa in tubignea in diábí ḷumbúon, táe baḻíondon tubig in anggur. Natua doman in bangusa-Ku diábí yopúon-Ku komintan, sin kon sigad monia oyúonpa inta mogundoi kon i-nakó.

PINOGIAPAN 11:11

Dá ki Musa noguman kon i Tuhan, “Nongonu sin pororiga-Mubí nanaa in akuoi? Degá kinodoí-Mudon in akuoi? Nongonu sin pinoki kadai-Mubí kon inakó in bayongan intau tatua?

PINOGIAPAN 11:15

Aka umuran nanaa in pomiaan i Tuhan kon inakó, yo ampungaidon kaasí in akuoi; bo maníka ḷagidon akuoi ḻimod sinbá diádon in akuoi momotaan kon yoyiga ná tanaa.”

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

RUT 2:13

Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”

SAMUEL 1 16:22

Onda intua ki Saul nokidia in koyow kon i Isai, “Moibog in akuoi kon i Daud. Ogoipa mako in sia mogutunpa kon naa bo mobantung kon inakó.”