KINOBAḺIAN 30:22 - Alkitab Singog In Mongondow Masa In Tanaa

²² Bo kinotoropandon i Allah in ki Rahel; ki Allah in notubagdon kon sambayangnea bo inogoi-Neadon sia nononggadí.

KINOBAḺIAN 30:22 Iomraidhean Croise

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

KINOBAḺIAN 29:31

Naonda inontong i Tuhan kon ki Lea in diá totok kinotabi i Yakub ná tabinea kon i Rahel, dá binaḻídon i Tuhan sia bobay inta motaau mopononggadí in adí, táe ki Rahel in binaḻí-Nea bantó.

KINOBAḺIAN 30:2

Ki Yakub sinumorú kon i Rahel bo noguman, “Akuoi naa in deemanbí ki Allah. Ki Allahbí tua in nopobaḻí kon inimu bantó.”

KINOBAḺIAN 30:21

Nopaḷut mako kon tua ki Lea nopononggadídon in adí bobay tobatú inta sinangoiannea ki Dina.

KINOBAḺIAN 35:24

Ki adí mita i Rahel in ki Yusup bo ki Benyamin.

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

MAZMUR 105:42

Sin ki Tuhan in nokotorop kon dandi-Nea kon i Abraham, mogogundoi-Nea.

MAZMUR 113:9

Sia in noponotabi in adí mita kon buḷoi bobay inta bantó nomaḻí kon inia iná inta noḷunganga in gina bo ihoromat kon baḷoinea. Dayowdon in ki Tuhan!

MAZMUR 127:3

Adí mita in ki Allahbí in nobogoi, totuubí kon mosia tua in totabibí.