KINOBAḺIAN 3:6 - Alkitab Singog In Mongondow Masa In Tanaa

⁶ Inontong in bobay tatua kon mopia in pangkoi kayu tatua, bo bungainea koontongan in mopira doman kaanon. Sia in norai kon mopiabí totok aka sia in mobaḻí mopandoi. Manangka intua sia in nosipú kon bungai in pangkoi in kayu tatua, bodongka kinaannea, bo inogoiannea doman in ki buḷoinea, bo kinaan doman i buḷoinea ḷoḷaki.

KINOBAḺIAN 3:6 Iomraidhean Croise

KINOBAḺIAN 3:12

Ḷoḷaki tatua in notubag, “Bobay inta inogoi-Mu sin motuḷung, sia tua in nobogoi kon inakó in bungai in kayu tatua, bo kinaanku domandon.”

KINOBAḺIAN 3:17

Bo ki Tuhan in noguman kon ḷoḷaki tatua, “Iko ain nokidongog kon tosingogon i buḷoimu bo nokaan kon bungai in kayu inta diá inogoi-Ku kaanonmu. Pinopisí in oaidmu tatua, dá kinutukdon in butá. Iko in musti mokoporajing in mogaid kon bonu in kobiaganmu sinbá butá mobogoipa in boyó inta tugat pakéon monimu.

KINOBAḺIAN 39:7

Diá noonggot kon tua, ki buḷoi Potipar nomangkoidon nongibog kon i Yusup, bo tayowmobiag tatua inanutanneadon mosiug moyotakinnea.

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

SAMUEL 2 11:2

Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

DATU MITA IMITÁNEA 13:19

Dá nabi inta nongkon Yohuda tatua dinumuduidon minayá in baḷoi in nabi nogoguyang tatua bo nongaan takinnea.

AYUB 31:1

Pinongin ibot akuoi in modandi mongodeaga moguod diábí bobuionku takin ibog in awak.

YEHEZKIEL 24:16

“Ei intau ilo-ilow, baḷú-Kubí gamáan in intau inta totok in kinotabimu. Táe diábí motaau in iko mogamui bo mongombaḷ, andeka mopomayá mako in ḷuámu moḷabú.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 24:25

Ki Tuhan in noguman kon inakó, “Yo, intau ilo-ilow, gamáan-Kudon nongkon i monia in Baḷoi-Ku inta morigon tua, inta mokoyunggagá bo mokosanang kon gina monia, bo inta indoianmai monia bo bayáan monia kinooibogbí in gina. Bo gamáan-Kubí doman in ki adí mita monia.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

TIMOTIUS 1 2:14

Bo deemanbí ki Adam in kinoakaḷan, táe bobaybí tatua, sahingga in mosia nomaḷawangdon kon parenta i Allah.

YOSUA 7:21

Kon sigad in barang mita inta inagow naton, akuoi nokoontong kon jubah tobatú inta totuu mogaga, pinomia in Babilonia, bo saḷaka doman mita doyowa nokilo, bo buḷawan tobatú noiḻiu kon tobotak in kilo. Moibog totok in akuoi in barang mita tatua, dá ginamáku bo iḷobongku kon butá kon ḷoḷaiganku; saḷaka in kon ḻimonag totok.”

YOHANES 1 2:16

Bayongan in yagi-yagi inta kon bonu in dunia naa, tua in kinoibog in awak inta baradosa naa, onu inta koontongan bo inta pongaḷakuang, tua komintan in deemanbí nongkon i Amá, táe nongkon duniabí naa.

HAKIM MITA 14:17

Pitu nosinggai in koonggot in bobutungan tatua, bo ki buḷoi Simson in tantú domandon mongombaḷ. Bo popisí in sia tantúdon mopoigum, dá kon singgai noginpitu, ki Simson nopotaaudon in mangaḻe in tangkí tatua kon inia. Bo ki buḷoi Simson in nopotaau in mangaḻenea tatua kon intau mita in Pilistin.