KINOBAḺIAN 3:24 - Alkitab Singog In Mongondow Masa In Tanaa

²⁴ Onda intua, kon dotá in pomukaan kon taman tatua kon tayowon ngara tumuot, sinampat i Tuhan Allah in kerub mita, bo kedang tobatú modokot inta moburow monangkaḻibu magí mako, sin moḷukad kon daḷan mopobayá in pangkoi inta mobogoi in kobiagan tua. Natua inaidan i Allah dá diá tobatúmai intau in motaau tumuot bo dimiug kon pangkoi in kayu tatua.

KINOBAḺIAN 3:24 Iomraidhean Croise

KINOBAḺIAN 3:23

Dá ki Tuhan Allah in nopoguntun kon i monia nongkon taman Eden bo nopotabá moramuji mogaid nongkon butá inta pinomiaan kon inia tontaní.

KINOBAḺIAN 4:1

Onda intua ki Adam in nosiug noyotakin i Hawa, ki buḷoinea, bo sidiadon in bobay tatua. Sia nopononggadí in adí ḷoḷaki tobatú, ki Hawa in noguman, “Takin totuḷung i Tuhan akuoi nokouḻí kon adí ḷoḷaki.” Dá sinangoiannea in adí tatua ki Kain.

KINOBAḺIAN 4:14

Iko Tuhan mopoguntun kon inakó nongkon butá tanaa, mokopoyayú nongkon tayowon-Mu. Akuoi in mobaḻí intau inta tongá umuran maya-mayá mako inta diá kotampat pogutunan kon dunia naa, bo akuoi in ḻimodon i inekadon inta moyodungkuḷku.”

MAZMUR 104:4

Tompot in binaḻí totabá-Mu, bo kilat in mobobantung-Mu.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

IḶUAIAN 25:2

“Potabádon intau Israel modia kon sosumba kon i-Nakó. Ki ine in mokotorop, musti in sia modia kon sosumba

YEHEZKIEL 10:1

Bo akuoi in inimindoi kon kubah inta kon ḻimonikanmai in uḷu in kerub mita tua, bo oyúon doman in inontongku inta naonda bo ḷoḻitúan pomomarentaan nongkon batu nilam.

YEHEZKIEL 31:11

Dá inindoí-Kudon in sia bo inogoidon kon mongongawasa ango-angoi, inta mopoaid kon inia podudui in aid moraatnea.

PINOGIAPAN 22:23

Nokoontongmai kon malaekat inta sinimindog kon tua kokada-kadai in pitow inta ain sinonggó, keledai tatua sinumabat kon daḷan, bo nomurow sinumuot in gobá. Binout i Bileam in keledai tatua bo dinianea bui pinobayá in daḷan.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

IBRANI 1:7

Aka soaḷ malaekat mita, nanaa in guman i Allah, “Binaḻí i Allah in malaekat-Nea mita tompot, bo bobantung-Nea mita binaḻí-Nea dokot in tuḷu.”

YOSUA 5:13

Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.