KINOBAḺIAN 3:23 - Alkitab Singog In Mongondow Masa In Tanaa

²³ Dá ki Tuhan Allah in nopoguntun kon i monia nongkon taman Eden bo nopotabá moramuji mogaid nongkon butá inta pinomiaan kon inia tontaní.

KINOBAḺIAN 3:23 Iomraidhean Croise

KINOBAḺIAN 2:5

diápabí in nobiag nion nonokat bo diápabí doman in pinomuḷa kon dunia naa, sin diápa pinopoponagan i Tuhan in uyan bo diápa doman in intau mononggobá kon butá tatua.

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

KINOBAḺIAN 2:8

Noiduduimai kon tua ki Tuhan Allah nomia kon taman kon Eden, kon dotá in pomukaan, bo sinampat-Nea kon tua in intau inta ain pinomia-Nea tatua.

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

KINOBAḺIAN 3:22

Ki Tuhan Allah in noguman, “Tanaa intau aindon nobaḻí ná Kita bo oyúondon in pongotahuan soaḷ inta mopia bo inta moraat. Dá musti in sia popoyayú sinbá diá bui in sia mogamá bo mokaan bui kon bungai inta mobogoi in kobiagan, sinbá diá in sia mobiag mononoi.”

KINOBAḺIAN 3:24

Onda intua, kon dotá in pomukaan kon taman tatua kon tayowon ngara tumuot, sinampat i Tuhan Allah in kerub mita, bo kedang tobatú modokot inta moburow monangkaḻibu magí mako, sin moḷukad kon daḷan mopobayá in pangkoi inta mobogoi in kobiagan tua. Natua inaidan i Allah dá diá tobatúmai intau in motaau tumuot bo dimiug kon pangkoi in kayu tatua.

KINOBAḺIAN 4:12

Aka iko monompinomuḷa, butá in diábí mopoḷuai bungai in boyó. Iko in mobaḻídon intau inta tongá tantú maya-mayá mako, diá motantú kon tampat bo diá in pogutunan kon dunia naa.”

KINOBAḺIAN 4:2

Bo ki Hawa in bui nopononggadí in adí ḷoḷaki tobatú, tangoinea in ki Habel. Ki Habel in nobaḻí gombala in domba, táe ki Kain nobaḻí monononggobá.

KINOBAḺIAN 9:20

Ki Nuh naa monononggobá, bo sia tuata inta muna-munamai nogaid kon gobá in anggur.

MOHOHUTUBA 5:9

Intau inta moibo-ibog in doit, diábí kon dodai in onda in mokorasa kon tugat in doitnea; intau inta motoboḷok, diábí mokoimontanmai in moorop in kauntungannea. Tua komintan in diábí in mangaḻenea.