KINOBAḺIAN 3:22 - Alkitab Singog In Mongondow Masa In Tanaa

²² Ki Tuhan Allah in noguman, “Tanaa intau aindon nobaḻí ná Kita bo oyúondon in pongotahuan soaḷ inta mopia bo inta moraat. Dá musti in sia popoyayú sinbá diá bui in sia mogamá bo mokaan bui kon bungai inta mobogoi in kobiagan, sinbá diá in sia mobiag mononoi.”

KINOBAḺIAN 3:22 Iomraidhean Croise

KINOBAḺIAN 1:26

Onda intua ki Allah in noguman, “Tanaa kita in momia kon intau potombatangan in gambar bo pogot naton. Mosia in mongawasa kon toyá mita, ḷagapan mita bo bayongan mahaḷuk pinomayá moyonok ande kaḻig, pinomayá moḷoben ande mointok.”

KINOBAḺIAN 2:9

Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.

KINOBAḺIAN 3:21

Dá ki Tuhan Allah in nomia kon pakeang monia nongkon kuḻit in mahaḷuk bodongka pinopopaké kon i nayadua.

KINOBAḺIAN 3:23

Dá ki Tuhan Allah in nopoguntun kon i monia nongkon taman Eden bo nopotabá moramuji mogaid nongkon butá inta pinomiaan kon inia tontaní.

KINOBAḺIAN 3:5

Ki Allah in noguman natua sin kinotaauan-Nea aka moiko mokaan kon bungainea tatua, yo raian monimu in mobukatdon; bo moiko motongkaidon i Allah bo monotaaudon kon onu inta mopia bo onu inta moraat.”

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

AMSAL 3:18

Intau inta kumadai motantú kon hikmat in mokouḻíbí kon kobiagan inta moitutui bo mosanang.

YEREMIA 22:23

Moiko in mogutun moaman iḻibu in oigi mita in kayu ḷokuyú in Libanon, táe kon singgai moiduduimai aka moiko kotugatan in inta mokonakit, moiko in mororigabí naonda bo bobay inta koyogot in mononggadí.”

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

WAHYU 22:2

inta kon yua-yuak in kotá tatua. Kon bingkí posiḷosi in ongkag tatua oyúon in pangkoi mita in kobiagan inta nomungai kopuḷú bodoyowá in totaong, tobuḷan komintan. Daunnea pinaké nongundam kon bangusa mita.