KINOBAḺIAN 3:19 - Alkitab Singog In Mongondow Masa In Tanaa

¹⁹ Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

KINOBAḺIAN 3:19 Iomraidhean Croise

KINOBAḺIAN 18:27

Ki Abraham in bui noguman, “Ampungaidon akuoi Tuhan, sin akuoi ain noiḷaut nongingguput kon tosingogon-Mu tanaa. Akuoi naa in tongábí intau inta nongkon ḷobud, inta diábí in hak mopoyaput in tosingogon onuka.

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

KINOBAḺIAN 23:4

“Akuoi naa in intau mokokiangoi inta nogutun kon yua-yuak i Utat mita; dá ogoipa in akuoi motaḷui kon butá sinbá oyúon in poḷobonganku kon i buḷoiku.”

KINOBAḺIAN 3:18

Bonganga bo dugi mita poḷuaion in butá kon inimu, bo mobobiag mita inta tongá kino bia-biagnea in mobaḻí kokaanonmu.

KINOBAḺIAN 5:5

Sia in minatoi kon umur siow nogatut bo toḷu nopuḷú notaong.

AYUB 1:21

bo noguman, “Siḷandat in akuoi in pinononggadí, yo siḷandat doman in akuoi in mobui kon i-Nia. Ki Tuhan in nobogoi bo ki Tuhan doman in bui nogamá. Dinayo-dayowdon in tangoi-Nea!”

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

AYUB 19:26

Umpaka kuḻitku pinaḻi-paḻían bo nobotak, táe kon dodai in akuoi oyúonpa in awakku, indoiankubí in ki Allah.

AYUB 21:26

Táe kon poḷoḷobongan, mosia in tumpaḷa noiuḻid; iḻibutan in uḷod bo oḷuasi.

AYUB 34:15

dá matoidon in bayongan mahaḷuk inta nobiag, bo intau in mobaḻí ḷobud ná inta dungkuḷ.

AYUB 4:19

Apapa doman mahaḷuk nongkon butá ḷamentong mahaḷuk ḷobud inta motaau romputon naonda bo sisik!

MAZMUR 103:14

Sin kinotaauan i Tuhan kon kita naa in pinomia nongkon onu, kinotoropan-Nea kon kita naa in tongábí ḷobud.

MAZMUR 104:23

Bo ḷumuaidon in intau sin mogaid kon oaidannea, bo umuran mogaid modapot in ḷoḷabungnea.

MAZMUR 104:29

Aka iko monoḻikud, moondok in mosia; aka gamáan-Mu in poginaannea, matoi in mosia, bo mobaḻí bui ḷobud naonda bo dungkuḷ.

MAZMUR 127:2

Diábí in mangaḻenea in simiḷopí totok in mogaid motayak kon kobiagan, mobangon doḷo-doḷom bo mosiug moonggot kon doḷom; sin ki Tuhan in moposadiabí kon i monia inta kinotabi-Nea, kon tungkuḷ in mosia mosiugpa mako.

MAZMUR 22:15

Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

MAZMUR 22:29

Sin ki Tuhanbí inta kitogi kawasa, Sia in nomarenta kon bangusa mita.

MAZMUR 90:3

Iko in nopotabá kon intau mobui nongkon kinobaḻiannea, mobaḻí ḷobud naonda bo dungkuḷ.

AMSAL 21:16

Intau inta diá dinumudui kon kobobiag inta mopia, notantúbí kon modapot in dunia in intau minatoi.

MOHOHUTUBA 1:13

Akuoi in moniat monaridi bo mobalajar pinongin bijaksana in bayongan inta nobaḻí kon dunia naa. Ukur inta sinadia i Allah kon inaton totokbí in mokorobonoḷ kon gina.

MOHOHUTUBA 1:3

Kinoouputbí in kobiagan mogaid in kita, mononggouḷat. Táe onu in nouḻí inta mokosanang kon inaton?

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

MOHOHUTUBA 3:20

Mosia in tumpaḷabí mayá in tampat inta notongkai. Mosia in nongkon ḷobudbí bo buibí mobaḻí ḷobud.

MOHOHUTUBA 5:15

Totuu mokorobonoḷ kon gina intua! Kita in mayá ná kon dodai in kita namangoi tanaa. Kita in simiḷopí in momatuk kon tompot, bo onu in mouḻí?

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

KORINTUS 1 15:47

Ki Adam inta muna pinomia nongkon ḷobud in butá, táe ki Adam inta induanea in nongkon sorogabí.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.

TESALONIKA 2 3:10

Sin kon wakutu in kami kon yua-yuakpa monimu naa in atorang inta pinoguman nami kon i monimu, “Aka intau doí mogaid yo donaai mongaan in sia.”

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.