KINOBAḺIAN 3:14 - Alkitab Singog In Mongondow Masa In Tanaa

¹⁴ Nopaḷut mako kon tua ki Tuhan Allah in noguman kon uḷag tatua, “Iko in hukumon sin oaidmu tatua; kon sigad in bayongan mahaḷuk tongábí iko tontaní in musti motanggung kon kutukan tanaa: Nongkon tanaa mako iko in mayádon ḷumandai mopobayá in sianmu, bo ḷobud in mobaḻí kokaanonmu kon bonu in kobiaganmu.

KINOBAḺIAN 3:14 Iomraidhean Croise

KINOBAḺIAN 3:1

Uḷag naa in mahaḷuk inta totok in mopandoi monguboḷ nongkon sigad in bayongan mahaḷuk inta pinomia i Tuhan Allah. Uḷag tatua in noḻibó kon bobay tatua, “Totuu degá kon ki Allah in nogimaḷow kon i monimu mokaan kon bungai mita in pangkoi ayop kon taman tanaa?”

KINOBAḺIAN 4:11

Iko in binaḷa modapot in diádon motaau monontotayak nongkon butá tatua. Butá aindon nonotop kon dugú i ai-aimu, butá naonda bo gumanga mako motarima kon dugú i ai-aimu tungkuḷ in iḻimodmu in sia.

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

MAZMUR 72:9

Intau mita inta nogutun kon padang gurun in mohoromat kon inia bo musung in dumokó kon tayowon in sioḷnea.

YESAYA 29:4

Yerusalem in nádon onda bo dimbuḷó inta moḷongasi mopodongog in singognea nongkon bonu in butá, singog inta mokayow nongkon bonu in ḷobud.

YESAYA 65:25

Serigala bo ki adí in domba in tumpaḷa mokaan kon bonok; singa in mokaan kon wawa naonda bo sapi, bo uḷag in diá bidon mokoanib. Kon sinangkub in tombuḷud-Ku inta motusi, diá bidon in mokorugimai andeka momia kon inta moraat.”

IMAMAT 20:25

Tuamai moiko musti motaau mopoyoposi onda in mahaḷuk inta haram nongkon inta diá haram. Dika mokaan kon mahaḷuk inta haram. Mahaḷuk tatua pinoniata-Kudon kon haram, dá aka mokaan yo moiko mobaḻí monajis.

MIKHA 7:17

Mosia in kumuábí kon butá naonda bo uḷag. Takin ondok bo urot mosia in ḷumuaidon nongkon poḷoḷukadan monia, bodongka mamangoi kon ini-Mu, o Tuhan Allah nami.