KINOBAḺIAN 28:16 - Alkitab Singog In Mongondow Masa In Tanaa

¹⁶ Bo ki Yakub in nobangondon nongkon pinosiugannea bo noguman, “Ki Tuhan oyúon kon naa, kon tampat tanaa, táe bain tanaa bo kinotaauanku!”

KINOBAḺIAN 28:16 Iomraidhean Croise

DATU MITA IMITÁNEA 3:15

Naonda in nobangon, nosadardon in ki Salomo kon ki Allah ain nosingog kon inia kon bonu in togoindop. Dá nobuidon in sia kon Yerusalem bo sinimindog kon tayowon in Poti Dodandian i Tuhan bo noposumba in kuruban payongon bo kuruban dodamean. Onda intua nomia in sia kon rame kon bayongan in pogawainea.

AYUB 33:14

Ki Allah in mosingog pinongin daḷan noyagi-yagimai, tongá diá tobatúmai in intau nonondudut kon singog-Nea.

AYUB 9:11

Sia in sinumaḻib kon tayowonku, táe diá inontongku; Sia in sinumaḻib kon sikumai, táe diá doman noniatakumai.

MAZMUR 139:7

Kon onda in bayáanku sinbá moisimparut kon kawasa-Mu? Kon onda in motaau poḷaguianku yumayú kon tayowon-Mu?

MAZMUR 68:35

Akudon in kawasa i Allah inta nomarenta kon Israel, kawasa-Nea in nodapot kon ḷangit.

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 3:4

Inontong i Tuhan in ki Musa mamangoi dimiug kon tampat tatua, dá nomaḷú in ki Tuhan nongkon yua-yuak in ḻimbuyun tatua, “Musa! Musa!” “Ya Allah,” tubag i Musa.

IḶUAIAN 3:5

Bo ki Allah noguman, “Dika mokopodiug. Bukádon aip in sioḷmu, sin iko in sinimindog mako kon butá inta motusi.

YESAYA 8:13

Toropdon kon Akuoi, ki Tuhan Inta Totok in mokawasa in motusi. Tongábí Akuoi in musti koondokmu.

YEREMIA 31:26

Kon dodai intuata intau in mogumandon, ‘Naonda in nosiug noḷoḷot, mopiadon in korasaanku.’

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

YOSUA 5:13

Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”

YOSUA 5:15

Itoi in tontara i Tuhan tatua notubag, “Buká in sapatumu; butá inta sinindoganmu tanaa in butábí motusi.” Dá binukádon i Yosua in sapatunea.