KINOBAḺIAN 28:15 - Alkitab Singog In Mongondow Masa In Tanaa

¹⁵ Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

KINOBAḺIAN 28:15 Iomraidhean Croise

KINOBAḺIAN 21:20

Ki Ismael sinakinan i Allah. Adí tatua koḷoben-koḷobendon; sia in nogutun kon padang gurun Paran, bo nobaḻí momomiot inta motoyang.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 30:25

Naonda in ki Rahel nopononggadí kon i Yusup, ki Yakub in noguman kon i Laban, “Ogoidon in akuoi mobui kon butáku.

KINOBAḺIAN 31:13

Akuoibí naa in ki Allah inta nokipogontong kon inimu kon Betel. Kon tua iko ain noposindog in batu tompoingat tobatú, poḷat nopobutak in ḷana zaitun kon tudunea. Kon tampat doman tatua iko nongibot kon inakó. Tanaa pobasadiadon bo pobuidon kon butá kinolahiranmu.’ ”

KINOBAḺIAN 31:3

Bo ki Tuhan in noguman kon i Yakub, “Pobuidon kon butá i amámu bo kon i utat bo ginaḷummu. Akuoi in koyota-yotakinmubí.”

KINOBAḺIAN 31:5

Bo ki Yakub in noguman kon i monia, “Inontongkudon kon ki amá monimu in diádon ná biasamai in kopopianea kon inakó; táe ki Allah inta sinumba i amáku in koyota-yotakinkubí.

KINOBAḺIAN 32:9

Onda intua ki Yakub in nosambayang, “O Allah, inta sinumba i akiku ki Abraham, bo i amáku ki Ishak, indongogaipa in akuoi! Ki Tuhan ain nopotabá kon inakó mobui kon butáku bo kon ginaḷumku. Bo ki Tuhan nodandi kon monompia kon inakó.

KINOBAḺIAN 39:2

Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

KINOBAḺIAN 46:4

Takinan-Ku iko mayá in Mesir, bo bui modia mangoi kon buímu mobui mangoi kon butá tanaa. Bo ki Yusup in mogompigbí kon inimu aka wakutumudon.”

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

KINOBAḺIAN 48:21

Bo ki Yakub nogumandon kon i Yusup, “Ná inta inontongmu tanaa, wakutuku matoi nodiugdon, táe ki Allah in motuḷungbí kon i monimu bo modia bui kon i monimu mayá in butá in mogoguyangmu.

DATU MITA IMITÁNEA 8:57

Igumon mako in ki Tuhan Allah naton in koyota-yotakin naton ná doman kon mogoguyang naton. Igumon mako in diá taḷaan-Nea in kita.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MAZMUR 91:11

Ki Allah in mopotabábí in malaekat-Nea moḷukad kon inimu, sin mogoḻingoi kon inimu kon ondakabí in bayáanmu.

IḶUAIAN 13:11

Ki Musa in noguman kon bangusa Israel, “Ki Tuhan in mogatod kon i monimu kon butá in Kanaan inta pinodandi-Nea takin nongibot kon inimu bo kon mogoguyangmu. Naonda in butá tatua mobaḻí kapunyaanmu,

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YESAYA 8:10

Pomiadon kon tomayá, táe bayongan tua diábí in motuoi. Gamádon in bontow in tosingogon, táe diábí in baragunanea, sin ki Allah in kotaki-takin nami.

YEREMIA 16:15

táe podoyon bidon kon i-Nakó, Allah inta nobiag, inta nodia kon umat in Israel iḻumuai nongkon butá tobatú kon utuan bo nongkon bayongan in butá ibanea inta pinoporaritan-Ku kon i monia. Mosia in diaan-Kubí mobui kon butá monia, butá inta ain inogoi-Ku kon mogoguyang monia.”

IMAMAT 26:42

yo toropon-Kudon in dodandian-Ku takin i Yakub, i Ishak bo i Abraham. Toimbaguon-Kudon in dodandian-Ku sin mobogoi in butá tatua kon bangusa-Ku.

IMAMAT 26:45

Toimbaguon-Kudon in dodandian inta pinomia-Ku takin mogoguyang monia, kon tungkuḷ in Akuoi nopoontong in kawasa-Ku kon bayongan bangusa takin nodia kon umat-Ku iḻumuai nongkon Mesir, sinbá Akuoi, ki Tuhan mobaḻí ki Allah monia.”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

PINOGIAPAN 6:24

Poigumon mako ki Tuhan momarakat bo moḷukad kon i monimu.

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

ULANGAN 31:6

Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

ULANGAN 7:9

Pokotorop kon ki Tuhan Allahmu in tongábí Sia-Sia mita in ki Allah, bo Sia in Allah inta mosatia. Ki Tuhan nogintompod kon dandi-Nea bo noponiata in tabi-Nea inta diá modai-dait modapot in toribu nopobuían kon intau mita inta motabi kon i-Nia bo motoindudui kon parenta-nea mita.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,

HAKIM MITA 6:16

“Mokomampubí in iko!” guman i Tuhan, “sin Akuoibí in motuḷung kon inimu. Mogampangmubí in monaḷow kon intau mita in Midian, tongábí naonda bo nonayow in iko kon intau tobatú.”