KINOBAḺIAN 28:13 - Alkitab Singog In Mongondow Masa In Tanaa

¹³ Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 28:13 Iomraidhean Croise

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 13:15

Akuoi in mobogoi kon inimu bo kon buímu in bayongan butá inta inontongmu tua sinbá mobaḻí kapunyaanmu mononoi.

KINOBAḺIAN 13:17

Bo tanaa ḻibudon in butá tanaa, sin ogoi-Kudon kon inimu.”

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 28:4

Poigumon mako ki Tuhan momarakat kon inimu bo buímu naonda bo pinomomarakat-Nea kon i Abraham, bo igumon mako mobaḻí kapunyaanmu in butá inta iḻitúanmu mako tanaa, inta ain inogoi i Allah kon i Abraham!”

KINOBAḺIAN 31:13

Akuoibí naa in ki Allah inta nokipogontong kon inimu kon Betel. Kon tua iko ain noposindog in batu tompoingat tobatú, poḷat nopobutak in ḷana zaitun kon tudunea. Kon tampat doman tatua iko nongibot kon inakó. Tanaa pobasadiadon bo pobuidon kon butá kinolahiranmu.’ ”

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

KINOBAḺIAN 31:5

Bo ki Yakub in noguman kon i monia, “Inontongkudon kon ki amá monimu in diádon ná biasamai in kopopianea kon inakó; táe ki Allah inta sinumba i amáku in koyota-yotakinkubí.

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

KINOBAḺIAN 32:9

Onda intua ki Yakub in nosambayang, “O Allah, inta sinumba i akiku ki Abraham, bo i amáku ki Ishak, indongogaipa in akuoi! Ki Tuhan ain nopotabá kon inakó mobui kon butáku bo kon ginaḷumku. Bo ki Tuhan nodandi kon monompia kon inakó.

KINOBAḺIAN 35:1

Kon singgai tobatú ki Allah in noguman kon i Yakub, “Akuoi naa in ki Allah inta nokipogontong kon inimu kon wakutu iko noḷagui kon i Esau, ki guya-guyangmu tua. Ḷagidon bayá in Betel. Pogutundon kon tua bo pogaidon kon mezbah tobatú kon i-Nakó.”

KINOBAḺIAN 35:12

Butá inta ain inogoi-Ku kon i Abraham bo kon i Ishak, in ogoi-Ku kon inimu bo kon buímu.”

KINOBAḺIAN 35:15

Tampat tatua sinangoiannea “Betel”.

KINOBAḺIAN 35:17

Naonda in totokdon mororiganea in mogatong, mototuḷung kon pononggadían noguman kon inia, “Koropoton in ginamu, Rahel, ki adímu tanaa in ḷoḷaki doman bui.”

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

KINOBAḺIAN 48:3

Ki Yakub in noguman kon i Yusup, “Ki Allah Inta Totok in mokawasa ain nokipogontong kon inakó kon Lus, kon butá in Kanaan, bo ain nomarakat kon inakó.”

TAWARIKH 1 16:16

Dodandian tatua in pinomia-nea takin i Abraham, bo noiduduimai takin i Ishak,

TAWARIKH 1 16:18

Guman-Nea, “Butá in Kanaan in ogoi-Kubí kon inimu mobaḻí budel kapunyaanmu.”

MAZMUR 105:11

Guman-Nea, “Butá in Kanaan in ogoi-Kubí kon inimu, mobaḻí butá budelmu.”

IḶUAIAN 2:24

Inindongogan i Allah in mosia, bo kinotoropan-Neadon in dodandian-Nea takin i Abraham, i Ishak bo i Yakub.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

IḶUAIAN 4:5

Guman i Tuhan, “Aidaidon in natua sinbá intau mita Israel mopirisaya kon Akuoi, ki Tuhan, Allah in mogoguyang monia, ki Allah i Abraham, i Ishak bo Yakub, aindon nokipogontong kon inimu.”

IḶUAIAN 6:4

Kinodongogan-Kudon in amui intau Israel inta sinonggata in intau in Mesir, bo kinotoropan-Kudon in dandi-Ku tatua.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

YEHEZKIEL 28:25

Ki Tuhan Inta Totok in moḷantud in noguman, “Sipunon-Kubí in intau mita in Israel nongkon butá mita moyayú kon tampat inta ain pinoporaritan-Ku kon i monia, bo bayongan in bangusa in monotaaudon kon Akuoi in motusi. Bangusa in Israel in mogutunbí bui kon butá monia tontaní, butá inta ain inogoi-Ku kon mogogundoi-Ku ki Yakub.

AMOS 7:7

Akuoi in nokouḻí bui kon oontongon ibanea nongkon i Tuhan. Inontongku in Sia sinimindog kon bingkímai in dinding tobatú inta pinosindog takin nopomaké in tontogot pogogukur noisindog notuḻid. Ḻima-Nea in kokada-kadai in tontogot tatua sin moindoi mongo dinding tatua noisindog notuḻid andeka diá.

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

OUMAN IN RASUL MITA 7:5

Kon wakutu intua diábí inogoian i Allah in butá in sia saḷaku pusakanea; Topaḷadmai yo diábí inogoi Allah kon inia. Táe ki Allah in nodandi kon ogoian-Neabí in ki Abraham sin baḻíon pusaka i Abraham bo buínea mita. Dodai intua ki Abraham in diá kogadí.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 34:4

Bo ki Tuhan noguman kon i Musa, “Tuata in butá inta pinodandi-Ku kon i Abraham, kon i Ishak bo kon i Yakub ogoi kon buí monia. Poontong-Ku kon inimu, Musa, tongá diábí ogoi-Ku in iko mayá intua.”

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.