KINOBAḺIAN 28:12 - Alkitab Singog In Mongondow Masa In Tanaa

¹² Onda intua sia sinumogoindop kon sia in nokoontong kon tukad tobatú inta nongkon butá dapot in ḷangit bo malaekat mita moponik moponag kon tukad tatua.

KINOBAḺIAN 28:12 Iomraidhean Croise

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 15:12

Naonda in mata in singgai ain momangkoi tumoyop, ki Abram in noḷoḷot. Bo daḻíbí in sia inagían totok in ondok.

KINOBAḺIAN 20:3

Kon doḷom tobatú ki Allah nokipogontong kon i datu tatua kon bonu in togoindop, bo noguman, “Iko in matoi, popisí in ginamámudon in bobay tatua; sin sia ain bidon kobuḷoi.”

KINOBAḺIAN 41:1

Naonda in doyowadon notaong noiduduimai, ki datu in Mesir sinumogoindop, kon sia sinimindog mako kon bingkí in Ongkag Nil.

DATU MITA IMITÁNEA 19:5

Bo inumuḻid in sia kon siungon in kayu tatua bo noḷoḷot. Bo daḻídon in malaekat tobatú noḻiai bo noguman kon inia, “Pobangon Elia, pongaandon!”

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

DANIEL 7:1

Kon doḷom tobatú, kon taong imitánea ki Belsyazar nobaḻí datu kon Babel, akuoi, ki Daniel in sinumogoindop bo nokouḻí kon oontongon. Togoindop tatua in pinaisku bo naa in poyaputku onu inta inontongku: Tompot moropot nogirup nongkon bayongan tampat bo nokopopisí kon nomuká in deḷang kon baḷangon.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 2:19

Naonda in ki Herodes minatoi, malaekat i Tuhan namangoidon bui nokipogontong kon i Yusup kon bonu in togoindop, bo noguman,

YOHANES 1:51

Ki Yesus noguman doman, “Totuu, popirisayadon! Iko mokoontongbí kon ḷangit mobukat bo malaekat mita i Allah moponik-moponag mamangoi kon i Adí Intau.”

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.