KINOBAḺIAN 28:1 - Alkitab Singog In Mongondow Masa In Tanaa

¹ Onda intua ki Ishak nogoiní kon i Yakub, bodongka nomarakat kon inia poḷat noguman, “Donaaidon iko motonibuḷoi takin bobay in Kanaan.

KINOBAḺIAN 28:1 Iomraidhean Croise

KINOBAḺIAN 24:3

Pongibotdon podoyon kon i Tuhan, Allah inta nongawasa kon ḷangit bo butá, kon iko in diábí motayak kon bobay inta pobuḷoion i Ishak ki adíku nongkon sigad in intau mita in Kanaan tanaa.

KINOBAḺIAN 24:37

Ki Tuangku ain noigum sinbá akuoi in modandi takin mongibot sinbá dumudui kon parentanea. Gumannea, ‘Donaaidon potayakanmu in ki adíku kon buḷoi nongkon sigad in bobay mita kon butá in Kanaan tanaa,

KINOBAḺIAN 24:4

Iko in mustibí mayá bui kon tampat kinolahiranku sin motayak kon bobay pobuḷoionnea nongkon sigad in ginaḷumku.”

KINOBAḺIAN 27:4

Dungú kopiraan ná inta kinoibogku, bo diádon mangoi kon inakó. Bo naonda in mopaḷut mako akuoi mongaan, barakatanku in iko kon dodai in akuoi diápa matoi.”

KINOBAḺIAN 27:46

Dá ki Ribka in nogumandon kon i Ishak, “Moyaat in ginaku bo mobú in akuoi mokoontong kon i buḷoi mita i Esau inta nongkon suku bangusa mita ibanea tatua. Aka ki Yakub motonibuḷoi doman takin bobay mita intau in Het, dá maníka akuoi in matoidon.”

KINOBAḺIAN 28:6

Ki Esau in nokodongog kon ki Ishak ain nomarakat kon i Yakub bo nopotabádon kon inia minayá in Mesopotamia sin motayak kon buḷoi kon tua. Kinotaauannea doman kon tungkuḷ in ki Ishak nomarakat kon i Yakub, inimaḷowannea in ki Yakub motonibuḷoi takin bobay in Kanaan.

KINOBAḺIAN 34:16

Bain mopaḷut mako kon tua bo duduian nami in oigum monimu motonibuḷoi kon sigad in bangusamu bo bangusa nami. Kami in mogutundon motantú kon yua-yuak monimu bo kita in mobaḻídon tobangusa.

KINOBAḺIAN 34:9

Koḻigaidon in kita mogaid kon yopakat in tosingogon kon bangusa i Utat bo bangusa nami in motaaudon motonibuḷoi.

KINOBAḺIAN 38:2

Kon tua ki Yohuda noyobayat takin mongodeaga in Kanaan, ki Sua in tangoinea. Bo mosia in notonibuḷoi.

KINOBAḺIAN 48:15

Nopaḷut mako kon tua binarakatannea in ki Yusup, gumannea, “Ki Allah, Sia tuata in ki Tuhan, inta sinumba i Abraham bo i Ishak, Sia tuata inta nokapit kon inakó dapot in tanaa mako;

KINOBAḺIAN 49:28

Tuata in suku Israel inta mopuḷú bodoyowá, bo tosingogon inta siningog i amá monia bo poḷat nobogoi in barakat pangabisan kon i monia kon batúannea.

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

YEREMIA 29:6

Pobuḷoidon sinbá mokouḻí kon adí in moiko, bo biódon mako in ki adímu mita in mobuḷoi doman sinbá mosia in mokouḻí doman kon adí. Kobayongmu in musti modugang bo diábí motaau in mogaat.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa: