KINOBAḺIAN 27:21 - Alkitab Singog In Mongondow Masa In Tanaa

²¹ Bo ki Ishak in noguman kon i Yakub, “Koḻigai kodiug magí sinbá motaauku kokapon. Bo kotaauankudon kon iko in ki Esau ki adíku ande deeman?”

KINOBAḺIAN 27:21 Iomraidhean Croise

KINOBAḺIAN 27:12

Dikabo yapuon i papa in awakku bo kotaauanneadon kon akuoi nonguboḷdon kon inia; dá sia in deemanbí momarakat, táe mogodi-godibímaidon kon inakó.”

KINOBAḺIAN 27:22

Ki Yakub in dinimiug kon i amánea, bo iyapudon i amánea in sia poḷat noguman, “Singogmu naonda bo singog i Yakub, táe kokaḷmu naonda bo kokaḷ i Esau.”

MAZMUR 73:28

Táe aka kon inakó yo totuubí kon mopia in kon diug i Allah, Tuhan Allah in baḻíonku pononiunganku, sinbá motaau in akuoi mopotaa-taau mako in bayongan inta inaidan-Nea.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!