KINOBAḺIAN 27:14 - Alkitab Singog In Mongondow Masa In Tanaa

¹⁴ Dá minayádon in ki Yakub nogamá kon bembé mita tatua bo dinianea kon i inánea, bo dinungúdon i Ribka podudui kon inta kinoibog i Ishak.

KINOBAḺIAN 27:14 Iomraidhean Croise

KINOBAḺIAN 25:28

Ki Esau in kotabi-tabi i Ishak, sin sia in moibog totok mokaan kon ponoyá inta moaḷap kon kayuon. Táe ki Yakub in kotabi-tabi i Ribka.

KINOBAḺIAN 27:13

Ki inánea in notubag, “Donaai moondok, Uḻe. Bain akuoi in mobaba kon bayongan kutuknea. Aidaidon onu inta pinogumanku, bayádon gamá in bembé mita tatua.”

KINOBAḺIAN 27:15

Onda intua ki Ribka nogamádon kon pakeang i Esau inta totok in mogaga, inta sinagúnea kon baḷoi, bodongka pinopopaké kon i Yakub.

KINOBAḺIAN 27:17

Bodongka inogoinea kon i Yakub in dodungúon inta totok in nopira in nanamnea tatua takin roti inta ain pinomianea.

KINOBAḺIAN 27:31

Sia nodungú doman kon ponoyá inta kinopira totok in nanamnea bodongka dinianea kon i amánea takin noguman, “Ḻitúdon, papa bo kaandon in ponoyá inta diniaku naa kon i papa, sinbá ki papa in momarakatdon kon inakó.”

KINOBAḺIAN 27:4

Dungú kopiraan ná inta kinoibogku, bo diádon mangoi kon inakó. Bo naonda in mopaḷut mako akuoi mongaan, barakatanku in iko kon dodai in akuoi diápa matoi.”

KINOBAḺIAN 27:7

‘Potayakaidon in akuoi kon biag tobatú bo dungúdon kopiraan kon inakó. Naonda in mopaḷut akuoi mongaan, barakatanku in iko kon tayowon i Tuhan, kon dodai in akuoi diápa matoi.’

KINOBAḺIAN 27:9

Bayádon kon tampat in domba naton, bo piḻídon in ki adí in bembé doyowa inta mongoḷongó, sinbá dungúonku podudui kon ibog i amámu.

MAZMUR 141:4

Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.