KINOBAḺIAN 26:7 - Alkitab Singog In Mongondow Masa In Tanaa

⁷ Naonda in intau mita kon tua noḻibó mongo ki ine in ki Ribka, ki Ishak noguman kon ki Ribka tua in ki ai-aineabí, deemanbí ki buḷoinea. Sin ki Ishak in moondok dika-dikabo intau mita kon tua moḻimod kon inia bo mogamá kon i Ribka inta moḷunat totok tatua.

KINOBAḺIAN 26:7 Iomraidhean Croise

KINOBAḺIAN 12:11

Kon dodai in sia tumaḻibdon kon sigad bo tumuotdon kon butá in Mesir, sia in noguman kon i Sarai ki buḷoinea, “Iko totok in moḷunat, buḷoiku.

KINOBAḺIAN 12:13

Dá maníka pogumandon kon iko in ki ai-aiku sinbá akuoi in pomayádon mako monia in mobiag bo mopia doman in pototomu monia kon inakó sin popisí in iko.”

KINOBAḺIAN 12:15

Tongonumai in pogawai komaḻig in nokoontong kon inia bo poḷat minayá nopotaau kon i datu kon totuubí moḷunat in bobay tatua; tuamai sia dinia kon komaḻig i datu.

KINOBAḺIAN 20:11

Ki Abraham in notubag, “Kon bonu in raianku, kon naa in diádon in intau inta motoguondok kon i Allah, dapot in akuoi patoiondon in intau inta moibog kon i buḷoiku.

KINOBAḺIAN 20:2

sia in noguman kon ki Sara ki buḷoinea tua in ki ai-ainea. Tuamai ki Datu Abimelek inta nongkon Gerar nopotabá in totabánea sin modia mangoi kon i Sara poangoi kon inia.

KINOBAḺIAN 20:5

Ki Abrahambí tontaní in noguman kon bobay tatua in ki ai-ainea, bo bobay tatua in noguman doman natua. Tua in pinomiakubí takin gina inta modarit, dá diábí in akuoi kotaḷá.”

KINOBAḺIAN 26:6

Dá ki Ishak in nogutundon kon Gerar.

KINOBAḺIAN 26:8

Naonda in ki Ishak nogutun kon tua degá tongonumaidon nosinggai, kon singgai tobatú ki Datu Abimelek iḷumongow nongkon jandelanea, bo inontongnea in ki Ishak nongongayokanbí takin i Ribka.

KINOBAḺIAN 29:17

Ki Lea matanea nopira, táe ki Rahel mogaga in awak bo pogotnea in moḷunat.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

EPESUS 5:25

Buḷoi ḷoḷaki, musti motabi kon i buḷoinea, ná doman tabi i Kristus kon jamaat inta dapot in noposarakan in awak-Nea sin kopontingan in jamaat tatua.

KOLOSE 3:9

Dikadon mosiuboḷan sin ain sinaḷáan monimu in kobobiag koḻipod bo tabiatnea.