KINOBAḺIAN 26:31 - Alkitab Singog In Mongondow Masa In Tanaa

³¹ Nobangon monik doḷo-doḷom mosia in tumpaḷadon nopoyaput in tosingogon dandi monia takin itu-itum. Bo ki Ishak in nogumandon kon i monia kon mokopopiadon in kon daḷan bo noyogapídon in mosia saḷaku yobayat.

KINOBAḺIAN 26:31 Iomraidhean Croise

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

KINOBAḺIAN 19:2

bo noguman, “Tuang mita, akuoi in mopoigum kon bá mongandupa kon baḷoiku. Tai Tuang in motaau in mondaritdon kon sioḷ bo mogogaipa in doḷom naa kon baḷoiku, bain ikoḷom doḷo-doḷom bo mongingguput kon bobayáan.” Táe mosia in notubag, “Sukur moantó, kami in mogogaidon kon lapangan in kotá”.

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 21:23

Tuamai, pongibotdon kon naa kon tayowon i Allah, kon iko in diábí monombogá kon inakó, ande kon i adíku mita, ande kon buíku. Ná doman akuoi aindon nomia kon inta mopia kon inimu, dá aidai domandon in natua kon inakó bo kon butá inta pinogutunanku tanaa.”

KINOBAḺIAN 21:27

Bo ki Abraham nobogoi in tongonumai in domba bo sapi kon i Abimelek, bo taya dua in nomiadon kon dodandian.

KINOBAḺIAN 22:3

Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

KINOBAḺIAN 25:33

Guman doman bui i Yakub, “Pongibotdon muna kon ogoimudon in hakmu tatua kon inakó.” Dá nongibot domandon in ki Esau poḷat nobogoi in haknea tatua kon i Yakub.

KINOBAḺIAN 26:32

Kon singgai doman tatua bobantung mita i Ishak namangoi bo nopotaau kon inia soaḷ parigí inta ain kinaḻi monia. Guman monia, “Kami in nokouḻídon kon tubig.”

KINOBAḺIAN 31:44

Tuamai koḻigaidon kita mogaid kon dodandian bo mongguntuḷ kon batu inta baḻíon tanda in dodandian tatua.”

KINOBAḺIAN 31:55

Nobangon monik doḷo-doḷom, ki Laban nongayokdon kon i adí bo kon i ompunea saḷaku tanda moyogapídon, poḷat sia nomarakat kon i monia, onda intua sia nobuidon kon tampat pinogutunanea.

IBRANI 6:16

Aka intau bo mongibot, yo mongibotbí in sia podoyon kon tangoi in intau inta moḷantu-ḷantud nongkon inia, dá ibotnea tatua in monginggamádon kon bayongan bobayowan.

SAMUEL 1 14:24

Kon singgai tatua intau mita in israel moḻemédon popisí in gogoyon, sin ki Saul in nongibotdon nanaa, “Kutukondon in intau inta mokaan kon onuka kon singgai in naa kon dodai in akuoi diápa motuḻí kon musungku.” Tuamai in diá tobatúmai in intau in nongaan in tosinggai tua.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

SAMUEL 1 30:15

Bo ki Daud in noḻibó kon inia, “Moibog degá in iko mogatod kon inakó mayá in tampat in banselang tatua?” Tubagnea, “Moibog in akuoi, asaḷ bo ki Tuang in modandi kon inakó podoyon kon tangoi i Allah, kon akuoi in diábí ḻimodon i Tuang andeka ogoi i Tuang kon i tuangku.”