KINOBAḺIAN 26:24 - Alkitab Singog In Mongondow Masa In Tanaa

²⁴ Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 26:24 Iomraidhean Croise

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

KINOBAḺIAN 17:8

Akuoi in mobogoibí kon inimu bo kon buímu in butá tanaa, inta pinogutunanmu tanaa mako saḷaku intau ango-angoi. Bayongan butá in Kanaan in mobaḻíbí kapunyaan mononoi i adí bo i ompumu bo Akuoi in mobaḻí ki Allah monia.”

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 22:19

Nopaḷut mako kon tua ki Abraham buidon minayá nokipodungkuḷ kon bobantungnea doyowa tua, bo mosia minayádon in Bersyeba noyotakin, bo ki Abraham nogutundon kon tua.

KINOBAḺIAN 24:12

Bo bobantung tatua in nosambayang, “Tuhan, ki Allah i tuangku Abraham, tuḷungaidon sinbá onu in pinoki aid kon inakó kodapotankudon in singgai naa; kotabipa in ki tuangku ki Abraham.

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 28:15

Toropdon, Akuoi in motuḷung bo mogoḻiung kon inimu, kon ondaka in bayáanmu, bo Akuoi in modia kon inimu mobui mangoi kon butámu tanaa. Akuoi in diábí monaḷámai kon inimu modapot in aidan-Kudon bayongan inta ain pinodandi-Ku kon inimu.”

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 30:27

Ki Laban in noguman kon inia, “Indongogaipa muna: Kinoontongankudon kon ki Tuhan ain nomarakat kon inakó sin popisí in iko.

KINOBAḺIAN 31:5

Bo ki Yakub in noguman kon i monia, “Inontongkudon kon ki amá monimu in diádon ná biasamai in kopopianea kon inakó; táe ki Allah inta sinumba i amáku in koyota-yotakinkubí.

KINOBAḺIAN 39:2

Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

KINOBAḺIAN 39:3

Inontong i Tuangnea kon ki Tuhan notuḷung kon i Yusup dá tuamai ki Yusup umuran mokodungkuḷ kon inta mopira onukabí in aidannea.

KINOBAḺIAN 46:1

Ki Yakub nonoinutdon kon bayongan in kapunyaannea bodongka nobuat. Nodapotmai kon Bersyeba sia noposumbadon in kuruban kon i Allah inta sinumba i Ishak ki amánea.

DATU MITA IMITÁNEA 17:13

“Dika moḻia-ḻiaw in gina i Iná!” guman i Elia, “Aidaidon in kaanon i Iná bo in adí i Iná. Táe pounapa pogaidai kon roti mointok nongkon topong bo ḷana tatua, bo diádon mangoi.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 44:2

Akuoibí in ki Tuhan inta nomaḻí kon inimu, inta nomia kon inimu nongkon bonupa in sian, bo inta notuḷung kon inimu. Dika moondok, iko in mogogundoi-Ku, umat inta piniḻí-Ku inta kinotabi-ku.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

IMAMAT 26:42

yo toropon-Kudon in dodandian-Ku takin i Yakub, i Ishak bo i Abraham. Toimbaguon-Kudon in dodandian-Ku sin mobogoi in butá tatua kon bangusa-Ku.

IMAMAT 26:45

Toimbaguon-Kudon in dodandian inta pinomia-Ku takin mogoguyang monia, kon tungkuḷ in Akuoi nopoontong in kawasa-Ku kon bayongan bangusa takin nodia kon umat-Ku iḻumuai nongkon Mesir, sinbá Akuoi, ki Tuhan mobaḻí ki Allah monia.”

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

OUMAN IN RASUL MITA 7:32

‘Akuoi naa in ki Allah in mogoguyangmu; Akuoi naa in ki Allah i Abraham, i Ishak bo i Yakub.’ Ki Musa in inumurot bo totok in inagían ondok dá diádon in sia nokobaḻí inimindoi bui kon dokot inta iḷumuai kon yua-yuak in díat tatua.

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

ULANGAN 31:6

Moiko in musti morigon in gina bo mobarani! Dika moondok kon i monia, sin ki Tuhan Allahmu tontaní inta motuḷung kon i monimu. Diábí pokuyangon-Nea in gina ande monaḷámai kon i monimu.”

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

RUT 3:11

Tuamai, in dikadon moḻia-ḻiaw in ginamu Rut. Bayongan inta pinoigummu tua in daitonkubí pomiaan; sin bayongan in intau kon kotá tanaa ain nonotaau kon iko nion in bobaybí inta mopia in gina bo aid.