KINOBAḺIAN 26:22 - Alkitab Singog In Mongondow Masa In Tanaa

²² Onda intua sia in nomamping nongkon tua bo nongaḻi bui kon parigí intoḷunea. Aka tanaa diá bidon in bobayowan. Tuamai sinangoian i Ishak in parigí tatua “Kabebasan”. Kainia, “Tanaa ki Tuhan ain nobogoi in kabebasan kon inaton mogutun kon butá tanaa, bo kita in mobaḻídon mobiag motompia kon naa.”

KINOBAḺIAN 26:22 Iomraidhean Croise

KINOBAḺIAN 17:6

Akuoi in mobogoi kon inimu in adí bo ompu inta mobarong, bo kon sigad monia tua oyúon in mobaḻí datu mita. Buímu in mobaḻí moantó totok, dapot in mosia mobaḻí bangusa mita.

KINOBAḺIAN 26:21

Bobantung mita i Ishak nongaḻi bui kon parigí ibanea, dá bui doman nobaḻí in bobayowan soaḷ parigí tatua. Tuamai, parigí tatua sinangoian i Ishak “Sosaturuan”.

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 41:52

Sia in noguman doman, “Ki Allah ain nobogoi kon inakó in adí kon bonu in rorigaku,” bo sinangoianneadon ki adínea induanea tua ki “Epraim”.

MAZMUR 118:5

Kon bonu in rorigaku akuoi in nokuani kon i Tuhan; bo sinubagan-Nea poḷat pinoḷuat-Nea in akuoi.

MAZMUR 119:32

Takin pia in gina dumudui in akuoi kon parenta-Mu, sin binaḻí-Mu in akuoi totok in momangaḻe.

MAZMUR 18:19

Mosia in nonubu kon inakó kon tungkuḷ in akuoi kinoantugan in bodito, táe ki Tuhan in nobaḻí mototuḷungku.

MAZMUR 4:1

Kon tongganut in kor. Pinongin oitog kecapi. Mazmur i Daud.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

YESAYA 54:2

Pokooḷadon in ḷoḷaigan mita pogogutunanmu; koḷanggó in tontogotnea mita bo koroton in oiginea!

YESAYA 54:3

Iko in modugangbí mooḷad ná koḷanan bo koḷoigi, ḻitúanbí in intaumu mita in butá in bangusa mita bo mogutun kon kotá mita inta tanaa mako noingongow.