KINOBAḺIAN 26:1 - Alkitab Singog In Mongondow Masa In Tanaa

¹ Kon butá tatua nomukádon bui in malarat ná inta nokoimontandon in nobaḻí kon dodai i Abraham. Ki Ishak in minayá kon tayowon i Abimelek, datu intau in Pilistin kon Gerar bo nopoigum sinbá ogoinea mogutun kon tua.

KINOBAḺIAN 26:1 Iomraidhean Croise

KINOBAḺIAN 12:10

Táe kon Kanaan koyogot in malarat moḷoben, tuamai ki Abram in minayápa bui in tampat inta moyayu-yayú nopobayá in toḷatan, kon butá in Mesir sin mogutun kon tua modapot in malarat tatua mopaḷut.

KINOBAḺIAN 25:11

Naonda in ki Abraham minatoi, ki Allah nomarakat kon i Ishak, ki adí i Abraham. Kon tungkuḷ intua ki Ishak nogutun kon diug in parigí inta sinangoian “Sia inta nonarukira kon inakó.”

KINOBAḺIAN 25:34

Onda intua ki Yakub nobogoidon in roti kon inia bo berenebon doman tatua. Ki Esau nongaan bo nonginum bodongka minayá. Natuata in ki Esau nonganggap kon diábí in mangaḻenea in hak saḷaku adí guya-guyang tua.

KINOBAḺIAN 42:5

Pinopisí in malarat kon butá in Kanaan, dá ki adí i Yakub takin intau moantó ibanea namangoi notaḷui kon gandum kon Mesir.

KINOBAḺIAN 43:1

Malarat kon Kanaan totokdon modugang motoyang, bo naonda in nodaitdon in gandum inta dinia nongkon Mesir kon motoḷuadí i Yakub, ki Yakub in nogumandon kon i adínea mita, “Bayádon bui in Mesir bo buidon potaḷui kon gandum sin kaanon naton.”

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

IḶUAIAN 33:1

Bo ki Tuhan in noguman kon i Musa, “Taḷaaidon in tampat tanaa bo bayádon poyotakin in bangusa inta diniamu nongkon Mesir tatua mopobayá in butá inta pinodandi-Ku kon i Abraham, kon i Ishak bo kon i Yakub bo kon buí monia.

RUT 1:1

Kon tungkuḷ in Israel diápa in datu, butá in Kanaan kino antugan in roriga moḷoben nodapot in kinodaitan in kaanon. Kon dodai intua oyúon in ḷoḷaki tobatú tangoinea in ki Elimelekh. Sia in nongkon inanakan in Eprata, bo nogutun kon Betlehem kon butá in Yohuda. Popisí in kinoantugan roriga dapot in diádon in kaanon tatua, dá minayádon in sia kon butá in Moab takin i buḷoinea inta ki Naomi in tangoinea, bo ki adínea ḷoḷaki doyowa: ki Mahlon bo ki Kilyon. Bo nogutun in mosia kon Moab. Kon tungkuḷ in kon tuapa in mosia,