KINOBAḺIAN 24:7 - Alkitab Singog In Mongondow Masa In Tanaa

⁷ Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.

KINOBAḺIAN 24:7 Iomraidhean Croise

KINOBAḺIAN 13:15

Akuoi in mobogoi kon inimu bo kon buímu in bayongan butá inta inontongmu tua sinbá mobaḻí kapunyaanmu mononoi.

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

KINOBAḺIAN 16:7

Malaekat i Tuhan namangoi nokipodungkuḷ kon i Hagar kon diug in bokaká kon padang gurun, kon daḷan mopobayá in padang gurun Sur.

KINOBAḺIAN 17:8

Akuoi in mobogoibí kon inimu bo kon buímu in butá tanaa, inta pinogutunanmu tanaa mako saḷaku intau ango-angoi. Bayongan butá in Kanaan in mobaḻíbí kapunyaan mononoi i adí bo i ompumu bo Akuoi in mobaḻí ki Allah monia.”

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

KINOBAḺIAN 22:11

Táe malaekat i Tuhan in nokuuk kon inia nongkon ḷangit, “Abraham, Abraham!” Tubag i Abraham, “Ya, Tuhan!”

KINOBAḺIAN 24:3

Pongibotdon podoyon kon i Tuhan, Allah inta nongawasa kon ḷangit bo butá, kon iko in diábí motayak kon bobay inta pobuḷoion i Ishak ki adíku nongkon sigad in intau mita in Kanaan tanaa.

KINOBAḺIAN 24:40

Tubagnea, ‘Ki Tuhan inta umuran duduianku, in mopotabábí in malaekat-Nea sin motuḷung kon inimu sinbá onu inta pinoki aidku kon inimu kodapotanpa doman. Iko in mokodungkuḷbí kon bobay inta pobuḷoion i adíku nongkon sigad in ginaḷumku inta nongkon buí i amáku.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

MAZMUR 103:20

Dayowdon in ki Tuhan, ei malaekat-Nea mita inta mongotorindog, inta nokidongog bo nopoaid in onu inta pinoki aid-Nea.

MAZMUR 136:26

Posukurdon kon i Allah inta nongawasa kon ḷangit; tabi-Nea in umuran mononoi.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

MAZMUR 73:24

Kinapit-Mu in akuoi in tonggina, bo sinarima-Mu in akuoi takin horomat kon singgai moiduduimai.

IḶUAIAN 13:5

Takin nongibot ki Tuhan nodandi kon mogoguyangmu kon Sia in moposarakan in butá in bangusa Kanaan, Het, Amori, Hewi bo Yebus. Naonda in ki Tuhan modia kon i monimu mayá in butá inta mopia totok bo noḷumbá tua, pomuḷoi in taong kon bonu in buḷan Abib, moiko in musti mogaid kon upacara tanaa.

IḶUAIAN 32:13

Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

IḶUAIAN 33:2

Potabá-Kudon mangoi in malaekat tobatú sin modia kon i monimu. Untunon-Kubí in bangusa Kanaan, Amori, Het, Peris, Hewi bo Yebus.

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

YUNUS 1:9

Tubag i Yunus, “Akuoi naa intau in Ibrani. Akuoi in nosumba kon i Tuhan Allah kon soroga, inta nomaḻí kon dagat bo toba.”

PINOGIAPAN 11:12

Eta akuoi degá in nonogusian andeka inta nopononggadí kon i monia tua? Nongonu sin pinotabá-Mubí in akuoi ná intau moḷoḷukad kon adí inta umuran mokoyot mako kon adí mointok, modapot in akuoi musti umuran moḷukad kon i monia kinoouputbí in binayáan mopobayá in butá inta pinodandi-Mu kon mogoguyang monia?

PINOGIAPAN 14:16

Iko noḻimod kon umat-Mu kon padang gurun sin Iko diá mokosanggup modia kon i monia tumuot kon butá inta ain pinodandi-Mu.

PINOGIAPAN 14:30

Koḻikud in ki Kaleb bo ki Yosua, diádon in tobatúmai intau kon sigad monimu inta umur doyowa nopuḷú notaong bo namonik in tumuot kon butá inta pinodandi-Ku kon inimu tua.

OUMAN IN RASUL MITA 7:5

Kon wakutu intua diábí inogoian i Allah in butá in sia saḷaku pusakanea; Topaḷadmai yo diábí inogoi Allah kon inia. Táe ki Allah in nodandi kon ogoian-Neabí in ki Abraham sin baḻíon pusaka i Abraham bo buínea mita. Dodai intua ki Abraham in diá kogadí.

ULANGAN 1:8

Akuoi, ki Tuhan, aindon nopodandi in bayongan butá tatua kon mogoguyang monimu ki Abraham, ki Ishak bo ki Yakub takin bayongan buí monia. Dá bayádon ḻitúai in butá tatua.’ ”

ULANGAN 34:4

Bo ki Tuhan noguman kon i Musa, “Tuata in butá inta pinodandi-Ku kon i Abraham, kon i Ishak bo kon i Yakub ogoi kon buí monia. Poontong-Ku kon inimu, Musa, tongá diábí ogoi-Ku in iko mayá intua.”

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

IBRANI 11:9

Takin pirisayanea tatua, sia in nogutun saḷaku intau mokokiangoi kon butá inta pinodandi i Allah kon inia tua. Ki Abraham in nomia kon ḷoḷaigan bo nogutun kon tua. Natua doman in ki Ishak bo ki Yakub inta notarima doman kon dandi natua nongkon i Allah.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

YOSUA 24:3

Bo Akuoi nogoiní kon i Abraham, mogoguyangmu tua, nongkon butá kon ḷoḷan in Ongkag in Eprat tatua, bo nopotabá kon inia noḻibu kon butá in Kanaan. Akuoi in nobogoi kon inia in buí mobayong. Dungkuḷ totok ki Ishak in inogoi-Ku kon inia,

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

HAKIM MITA 2:1

Malaekat i Tuhan nongkon Gilgal minayá in Bokhim bo noguman kon intau mita in Israel, “Akuoi ain nopoḷuai kon i monimu nongkon Mesir, bo nodia kon i monimu sinumuot kon butá inta pinodandi-Ku kon mogoguyang monimu. Ain doman pinoguman-Ku, ‘Dodandian-Ku takin i monimu in diábí bontowon-Ku.