KINOBAḺIAN 24:65 - Alkitab Singog In Mongondow Masa In Tanaa

⁶⁵ bo noḻibó kon bobantung i Abraham tatua, “Ki ine in ḷoḷaki inta kon gobá tatua inta mopoangoi kon i naton?” “Sia tuata in ki tuangku,” tubag in bobantung tatua. Bo ki Ribka in nogamá kon aḷuangnea bo pinogoḻingoi kon pogotnea.

KINOBAḺIAN 24:65 Iomraidhean Croise

KINOBAḺIAN 20:16

Bo sia in noguman kon i Sara, “Ki Guya-guyangmu inogoiankudon in doit saḷaka toribu inta mobaḻí bukti kon bayongan intau kon iko in totu-totuubí diá kotaḷá.”

KINOBAḺIAN 24:64

Kon dodai in ki Ribka nokoontong kon i Ishak, noponag in sia nongkon untanea,

KINOBAḺIAN 24:66

Onda intua bobantung tatua nongongumandon kon i Ishak in bayongan inta ain inaidannea.

KINOBAḺIAN 38:14

Dá sia in nomaḷui kon pakeangnea nobaḷu takin pakeang ibanea. Pogotnea inoḻingoiannea, bo minayá in sia iḻimitú kon ngara in kotá Enaim, inta noiukat kon daḷan mopobayá in Timna. Kinotaauan totok i Tamar kon ki Syela, ki adí i Yohuda inta muit tua ain noḷoben, táe sia in diápa doman pinotonibuḷoi takin tayowmobiag tatua.

YESAYA 3:23

ḷambung monipit, ḷambung linen, aḷuang bo koḷubung mobanat.

YESAYA 47:2

Giḻingdon in topong bo batu; bukádon in koḷubungmu, bingkatdon in ḷambungmu modapot in koontongan in bosiotmu, bo ḷoḷanaidon in ongkag mita.

KORINTUS 1 11:10

Tuamai bá mopia in gina in malaekat mita, dá bobay in mustibí mogi koḷob in uḷu, saḷaku tanda kon sia tua in kon bonupabí in kawasa i buḷoinea.

TIMOTIUS 1 2:9

Ná doman tua in bobay donaai poiḻiuon in pomomakeang, paké in ḷambung inta motoinut in ontongon intau, bo inta diá mokooyá. Buok in donaai tuḷa-tuḷapidonmai, donaai mopomaké in buḷawan, mutiara andeka ḷambung inta mongomahaḷ.